2012年4月21日 星期六

Day 3.2 @八坂神社、平安神社 (2012京、阪、神發花癲之行)

離開清水寺後,沿住二年坂 、三年坂 ,一邊行一邊入去舖頭睇吓嘢,買吓嘢!足足行咗個幾鐘頭都行唔完條街。


.


.
哩間舖專賣清水燒,啲款色幾靚,價錢有平有貴。


.
忍唔住都買咗一隻水杯做記念啊!

.
上次經過哩到都唔覺裡面有間專賣宮崎駿產品嘅店舖

.
舖外放咗好多波兒呀!

.
波兒波兒波兒波.....又發傻添!

.
重有我最鐘意嘅龍貓啊!

.
等我扮吓龍貓先!

.
媽咪買咗少少嘢,見佢個紙袋上吸咗個好得意嘅龍貓印,於是膽粗粗問個收銀員可唔可以幫我吸返個印,哈..哈!佢好樂意幫我吸呀!真係好開心啊!

.
經過哩個唔知咩寺外,啲櫻花開得好密呀!

.


.

轉入寧寧之道後好快就到達八坂神社啊!


.
到咗八坂神社啦!

.


.

上次嚟八坂神社正門裝修緊,今次終於見到佢一面嗱!


.
一出八坂神社就係祇園,當時係一點幾,如果有留意新聞應該會知第二日嘅同樣時間同樣位置發生咗一宗嚴重意外,八死九傷,而家諗返真慶幸自己係早一日嚟哩到啊!
.
喺祇園坐巴士兩個駅就到達京都会館美術館前,一落車就見到個大鳥居,係哩到嘅標示啊!

.
河道兩旁嘅櫻花開得好燦爛啊!不過由於大雨,所以影出嚟失色好多。

.

.


.
而美術館旁有個公園亦開滿櫻花,而且重係滿開嗰種。

.
雖然落住雨,但我哋都影到不亦樂乎呀!

.
到達平安神社,其實我哋無打算入去遊覽,嚟哩到最主要係想影吓河兩旁嘅櫻花,因為之前嚟影紅葉好靚,相信櫻花都會好靚,果然無令我失望,只係天公不做美啫! 既然嚟到所以就喺平安神社影張到此一遊嘅相吧!


.

.


.
雖然落住雨,但遊人都不少啊!

.
離遠見哩幾棵花幾靚喎!係咩品種呢?於是就走埋去睇清楚先。

.
哦..!原來只係啲人將籤文綁喺樹枝上。

.
園中有棵型態幾靚嘅櫻花。

 


.
跟住我哋就搭巴士返去河原町,因為我想喺阪急河原町駅買定第二日會用嘅有馬、六甲嘅pass。


.
之前睇過網友啲相 post出嘅Service Center,但去到都唔見。


.
原來而家已經裝修到好靚嗱!而家叫Information啊!


.
之後就隨意地去咗一間意大利餐廳食意粉同 Piazza。


.


.

.
食飽嘢都四點幾,雨勢無停嘅跡象,行街亦唔係我哋強項,而且哩日著唔夠衫,當日真係覺得好凍,於是乎都係決定坐車返酒店啊!


.


.
由於係喺京都最後一晚,除咗大家都攰之外,重要拾嘢準備第二日離開,所以哩日返到京都後,亦係去伊勢丹超市買我哋嘅晚餐返酒店,休息一吓到頂樓浸一浸風呂後就開始我哋豐富嘅晚餐啊!

.
哈...哈...哈!!真係勁開心呀! 帶子好好味!


.

魚生正呀!


.
拖羅肥美。

.
最後嚟個3000円嘅北海道蜜瓜,真係超滿足呀!

.
B女媽咪喺公園拾到一條斷咗嘅櫻花枝,佢話睇吓可以可返香港種到喎!查實未返香港佢已經升咗天啊!


 


 

5 則留言:

  1. d櫻花好靚呀!
    你地嘅晚餐好正呀!
    [版主回覆04/23/2012 07:28:30]所以今次嘅旅真係好滿足, 好開心啊!

    回覆刪除
  2. 嘩, 日本的櫻花真係好靚!
    [版主回覆04/23/2012 21:06:01]係呀! 真係靚暈呀!

    回覆刪除
  3. 噢~你終於再踏足日本喇!
    雖然落雨, 但係d櫻花一樣係咁靚!
    那棵綁滿粉紅色おみくじ(籤文)的樹好特別、好靚啊!
    [版主回覆04/24/2012 07:50:35]係呀! 終於去到啦! 今次睇到嘅櫻花真係好靚呀! 所以有時落雨, 但都心滿意足啊!
    嗰棵籤文樹真係握得吓人呀!

    回覆刪除

  4. [版主回覆04/28/2012 15:36:42]可惜差咗個藍天呢!

    回覆刪除