Day 5.3 @難波 (2012京、阪、神發花癲之行)

喺三宮駅Locker攞返行李後就搭有馬、六甲周遊劵包嘅最後一程車程 - 三宮→梅田
當然亦係要揀急行列車

到咗梅田就轉地下鉄御堂筋線去難波，個pass用完嗱！要比錢買票嗱！

幾個駅就到啦！

返到難波東方酒店，好快就辦理好入住手續，之前放底嘅行李亦已經幫我哋送晒上房啊！

喺酒店休息咗陣就行過去心齋橋食飯嘞！

落街嘅時候原來落雨啊！

心齋橋嘅地標

我哋哩晚嘅目標係北極星嘅蛋包飯

入到店第一樣嘢係先除鞋，然後鎖入鞋櫃。

北極星而家有幾間分店，但係我都係揀返嚟總店，比較有風味呀！

我嘅蛋包飯呀！

切開蛋包，裡面一粒粒晶瑩通透嘅飯。

有幾好食....以我哩個唔好飯嘅人，你話有幾好食呢？

食飽四周圍行一陣買咗少少嘢見雨勢越嚟越大就決定返酒店早啲休息啊！

心齋橋招牌開晒燈真係幾靚啊！

嚟咗咁多日，終於出手使咗少少錢，因為每日都行到腳疪，而且哩幾日又無得浸溫泉，所以要買膏貼同藥膏幫對腳舒緩舒緩啊！

續…2012 京、阪、神發花癲之行(Day 6.1) @池田インスタントラーメン発明記念館