2016年3月20日 星期日

Day 4.1 @ 室堂、美女平、立山、富山

2015年10月13日 / 星期二 (第四天)
09:20 ~10:10 | 高原バス | 室堂 → 美女平
10:20 ~10:27 | 立山ケーブルカー | 美女平 → 立山駅
10:41 ~11:44 | 電車 | 立山 → 電鉄富山
13:02 ~14:32 | L特急(ワイドビュー)ひだ14号 | 富山 →高山

(交通收費及詳細資料請往交通篇)
酒店:スパホテルアルピナ飛騨高山 (SPA Hotel Alpina Hida Takayama)


唔經唔覺嚟到行程第四日嘞!大槪六點半起身然去浴場浸一浸再食早餐。八點幾返房收拾好行裝就準備離開。亞姨對住個窗望住出面落雪嘅景象唔捨得走呀!佢重來未見過落雪所以好陶醉呀!

上次嚟都無睇清楚車駅,今次四周圍行吓,由於未有巴士上到嚟,所以人潮尚未出現,車駅都有清靜嘅一刻呀!


除咗有熟食小檔外,原來有啲更衣室比行山人士換衫。



巴士準時開山,一個鐘後去到少女平,由山頂落雪變成山下落雨。


最後喺少女平轉乘立山黑部最後一種交通工具 – 覽車。

上次睇完雪牆後,就係睇到哩張Poster嘅秋天景色,我就同自己講一定要再返嚟睇紅葉。



落車時對面已經好多人準備上山啦!哩班係香港團 - 東x遊


上次錯過咗立山嘅牛奶,今次唔可以再錯過啊!真係好好飲呀!


每一駅都會有足夠時間比大家去洗手間同買手信,時間剛剛好可以到立山車駅坐富山電鉄去富山,哩程套票都包,所以攞住個Pass就可以上車嘞!





又係一個鐘車程,去到富山車駅出閘後,對面就係JR富山駅,上次嚟重係地盤,而家已經係一座靚靚車駅。

先到JR綠色窗口買票到高山及劃定後日由高山到名古屋嘅指定席。原本我哋嘅套票只係包兩程指定席,第一程用咗喺名古屋到松本,第二程就高山到名古屋,所以而家哩程富山到高山只可以坐自由席,攞住個Pass就可以上山,但哩程一向都多人搭,為保確定有位坐,所以我都係票務處要求加錢坐指定席,但日本人真係比較規範,職員不斷咁同我解釋套票只可以坐兩程指定席,如果要坐富山至高山哩程,就唔可以坐高山至名古屋嗰程。真係雞同鴨講,講極都唔明。

唉!最後唯有唔講,玩寫紙仔:
名古屋 à 松本  指定席 無料  OK
高山 à 名古屋  指定席 無料  OK
富山 à 高山   指定席- 有料  I Pay

終於明白成功劃好位!


距離上車重有唔夠一個鐘,食飯又唔係,唔食返到高山先食又太晏,所以決定買便當喺火車上面食,富山最出名係白蝦,所以同大笨蛋買咗個白蝦便當。





 哩斑列車喺同我後日要坐返去名古屋嘅列車係一樣,車上行李位係只有頭上嘅一排架,其他地方係好難放置大件行李。而當日我所見係人太多,連頭上嘅架都放满晒,好彩兩位靚太被劃到坐車廂最後一行,通常最後一行後面都會有少少位足夠我哋放兩個小小行李喼仔。



我就諗如果我哋係由高山返名古屋的話,四個行李喼真係有啲麻煩,所以喺嗰刻已經決定再一次將啲行李由高山寄去名古屋,而我哋由上高地返高山時就唔需要再返酒店攞行李再坐車返名古屋,重可以一返到名古屋喺車駅一帶行完先返酒店,因為今次訂唔到名古屋車駅上面間名鉄酒店,要去行得比較遠嘅Sunroute Plaza Hotel。




沒有留言:

張貼留言