2016年3月26日 星期六

Day 6.1 @ 上高地大正池

2015年10月15日 / 星期四 (第六天)
08:00 ~ 08:10 | 濃飛バス | 上高地 → 大正池
11:00 ~ 11:25 | 濃飛バス | 上高地 → 平湯温泉 1
12:30 ~ 13:26 | 濃飛バス | 平湯温泉 → 高山濃飛バスセンター
14:39 ~ 17:02 | L特急(ワイドビュー)ひだ14号 | 高山 → 名古屋

(交通收費及詳細資料請往交通篇)
酒店:ホテルサンルートプラザ名古屋


一早起身第一時間望出窗外,天朗氣清,即刻起身準備今朝行程,浸完浴換好衫就先出去酒店門口影一吓河童橋清晨境像,只有喺到住一晚先可享受到哩一刻河童橋嘅一片寧靚呀!



朝早溫底低過零度,枱、櫈面都舖滿雪霜。

跟住就到酒店大堂旁嘅餐廳食早餐,酒店大部份住客都早起,七點鐘餐廳已經擠滿人,大家都諗住趕天色好早早出發啊!







食飽後我哋都事不延遲,執好行李寄存喺酒店後就出發坐八點開出嘅巴士去大正池,原本計劃由河童橋行往大正池再坐車返河童橋,但覺得先由河童橋總駅坐過去大正池,再由大正池行返去河童橋時間上可以容易控制啲。

清晨上高地巴士駅好寧靜


巴士駅手信店已開舖,不過差唔多要上車所以都無入去。


先喺巴士駅旁售票機買票,因為只係搭兩個駅,所以原本個回程Pass唔用住,先買張短途單程票。

到售票窗口買票時,工作人員指示我哋到隔兩個窗嘅售票機購買。


售票機操作簡單,入錢、揀路線、人數。

每人420円

搞掂就到巴士等候區等上車。


坐幾個駅就到達大正池,喺大正池旁影咗一陣相後,車頭啲玻璃結咗啲雪霜好似水晶咁呀!

八點半就開始出發,沿住自然徑向河童橋進發。眼前第一個靚景就係頂頂大名嘅大正池。

上次嚟太大風雪,個湖矇查查咩都睇唔到,今次可以睇到咁清、咁靚嘅湖境真係好感動呀!


好多影相發燒友大都已經就位影靚相呀!


哩段路一直都係平路,部份有啲小碎石,指南話行八個字,當然係不停咁行,唔包影相同休息啦!我預兩個鐘,沿途風景都真係靚到不得了。不過當時只有零度,而且未出太陽,雖然我哋係不斷咁行,身體係有郁動,但都仍覺得好凍冷,完全靠周圍嘅美景支撐住。





























行咗兩個鐘差不多都終點啦!



哩段路嘅風景確實靚,如果嚟到無太多時間由大正池行到明池,只行大正池至河童橋我都覺得唔錯而且唔會太辛苦。








沒有留言:

張貼留言