2016年3月20日 星期日

Day 5.2 @ 上高地河童橋、明神池

2015年10月14日 / 星期三 (第五天)
08:40 ~ 09:40 | 濃飛バス | 高山濃飛バスセンター → 平湯温泉
10:00 ~ 10:25 | 濃飛バス | 平湯温泉 → 上高地

(交通收費及詳細資料請往交通篇)
酒店:上高地ホテル白樺荘


大部份人都選擇喺大正池落車然後行往河童橋,上次我哋都係咁嘅路線,但今次就會坐到去總駅河童穚,因為攞住兩件小行李唔方便遠足呀!要先到河童橋旁邊嘅酒店放底行李先,雖然哩間酒店嘅住宿費相當昂貴,但我覺得係值得嘅!


放好行李後先喺河童橋一帶走走,影影相,因為哩日天朗氣清,山上景色真係靚到筆墨難以形容,就算相機都影唔到當時嘅美景。






大槪十一點我哋就開始起步由河童橋前往明神池,旅遊指南通常都話一個多鐘到,但以我哋嘅龜速前進,我預來回起碼四個鐘。先沿左岸行,回程行右岸。



沿途風景真係好靚,尤其喺頭半段路,有山有水,邊行邊影,又掛住張相即時放上Facebook 同親戚、朋友即時分享,真係好忙呀!






行咗四分一路就開始出現哩啲木板路,旅行團好少會行哩段路,所以見到對面回程嘅都係日本人多,見到大家都會打聲招呼,重有大家都好有規矩,左上右落,但大家要停留影相先都會先讓人過路,感覺非常良好呀!






兩位靚太努力咁行行從行行呀!




行咗一個鐘,大家休息抖抖食啲嘢再繼續行,終於見到明神橋啦!表示我哋已經到達目的地了。

先唔過去明神橋,因為一陣會過橋離開,而家先轉入去明神池參觀。



明神池其實地方唔大,入場需要收費,如果企喺外面都可以睇到明神池大部份面貌,但既然一場嚟到就無唯慳嗰幾百円,一於入去睇睇,我自己覺得真係幾靚,可惜當日實在人太多,而亞姨好似有少少唔耐煩,所以我同大笨蛋只有衝衝影咗幾張相就離開。









哩個小碼頭喺明神池嘅地標,但等咗好耐都係企滿人,所以草草影張相就離開。

可能行咗兩個鐘又未食晏,所以兩位靚太顯得好疲累,明神池旁有間麵店。


喬麥麵最為出名,其實我想食冷麵,但外於當日氣溫得幾度,咁凍嘅天氣都係食碗熱嘅麵好啲,除咗喬麥麵,岩燒魚亦好出名,所以叫咗兩條,味道確實唔錯。


每人一碗野菜蕎麥麵

加兩條岩燒魚,條魚好好味呀!



沒有留言:

張貼留言