九天東京、橫濱、輕井澤、箱根之旅(第八天)下

22/06/2007　雨天    箱根 → 上野 (下集)

啲雨開始越落越密呀！我哋都走啦！搭登山電車返落去湯根湯車本站，我哋今次唔想再悶兩個幾鐘重站站停咁返去，所以我哋去票務處加¥870坐浪漫號返去。

上車前去曼頭店買個溫泉曼頭做晏就先。

 

個半鐘就返到新宿啦！我哋首先返去日光館攞返啲行李上房，休息一陣就去淺草雷門寺嘞！出發前我哋去Skyliner上野站到睇吓環境盤算吓明日走嘅路線同時間。

今日係喺哩個行程第一次搭地下鐵，我哋而家係搭上野銀座線往淺草。

 

出到淺草站後已經有好清楚往雷門寺嘅指示，所以好輕易就到達目的地，但感覺並無想像中咁興奮，可能落雨又可能實在太多香港人喺到，個感覺好似去咗黃大仙，所以行咗一圈就走啦！

 

 

咁我哋就搭車返上野，其實我哋喺上野住咗咁多日但根本就無喺上野行過，日日都係早出晚歸，所以今日要留返啲時間行吓上野。

我哋去到アメ橫丁行吓同諗住買手信，但唔知點解行極都搵唔到好出名間手信店，同伴A之前係去過，但只記得喺橫街入，而我又睇過啲旅遊書介紹過唔知叫二木咩咩菓子，但行咗好多個圈始終都搵唔到。

咁一心諗住去松板屋地庫超市買，但又無啱心水嘅嘢賣，返而無意中去到裡面間Blue Label，同伴A重睇啱咗嗰袋，但就猶疑緊買唔買好，咁就唯有繼續行，其實都六點幾肚餓啦要搵食，但又唔憤氣搵唔到間手信店，我哋決定食飯前再仔細行一次，但都係搵唔到，開始都想算啦！行到其中一間雜貨舖門口有好少類似手信嘅嘢，諗住求奇拾返啲算數，舖頭隔離有條行入另一間舖，點知枱頭一望就寫住“二木の菓子” 。唓！咪就係哩到囉！好囉！好痛快咁買啊！有好多貨品之前跟團啲導遊都sale過嫁啦！哩度真係平啲喎！

買完手信就返去日光館放底先，其實日光館距離手信街哩到好近嫁咋！兩三個字就到嫁啦！搞店後同伴A都係決定買頭先Blue Label個袋。咁我哋就返去松板屋買埋個袋先去食飯。

今晚我哋去咗間意粉餐廰食晚餐，個set 幾好嫁！可以一個餐選兩個味道嘅意粉，重好好味添呀！

 

食飽飽係時候返去拾嘢準備明日返香港啦！

食: 午餐:¥560

    人形燒:¥50X2

    晚餐:¥2,688

住: ¥4,200X2

行: 加錢坐浪漫號: ¥870X2

    新宿 →上野(山手線):¥190X2

      上野 →淺草(東京地下鐵銀座線): ¥160X2

    淺草 →上野(東京地下鐵銀座線): ¥160X2

手信: ¥15,150

玩: 強羅公園入場卷: ¥450X2

其他: Locker: ¥300X2