九天東京、橫濱、輕井澤、箱根之旅(第三天)下

17/06/2007　晴天   上野 → 輕井澤 (新輕井澤、舊輕井澤) 下集

行咗二十分鐘倒就到咗啦！聖保羅天主教堂是這裡最具代表性的教堂，位於「水車之道」，又名「教會通」，可想而知有幾多教堂。而且，有不少朋友會專程來這兒舉行婚禮，貪其夠哂浪漫。

下一站就係聖公會Shaw紀念教堂，途中經過哩個咩咩禮拜堂，

條街都開始少人行啦！

行行吓就經過輕井澤最古老的旅館「つるや旅館｣，好似好有氣派喎！

足足行咗成半個鐘終於到聖公會Shaw紀念教堂啦! 哩間係輕井澤最古老嘅教堂，嚟到個天都暗暗地啦! 原來五點啦!

本來重想去舊三笠酒店！但如果再行入去天黑啦！重要返出嚟呢！所以決定先去Prince Shopping Plaza，明日先舊三笠酒店。但係我哋喺去Plaza時並唔知嗰到收工未嫁！因為旅遊書寫住平時收六點，但假期就會延遲，今日係星期日應該會遲啲卦！

個Plaza喺輕井澤車站隔離，分東座同西座。我哋今日去東座先。去到都六點幾啦！好彩啲舖頭都未收。

行咗成鐘都無咩收穫，都係時候去醫肚啦！

我哋行返出去車站前有間叫「関所茶屋｣，有啲一set set嘅定食，就決定入去啦！除咗因為啲相好吸引之外，我哋實在太倦又凍啊！由今朝九點幾行到而家七點幾，唔搵個地方坐坐真係唔掂呀！

食嘢啦！好好味呀！

食飽喺時候返去COCOMO啦！我哋講底咗大概八點鐘返去嫁！唔知點解條路好似好長咁行極都唔到…… 終於返到去啦！老闆已經將我哋啲行李攞晒上房啦！佢叫我哋填返啲入住資料然後介紹一下民宿嘅設施，佢重話因為明日佢哋要放假招呼唔到我哋，所以將房租原本¥8,900減為¥7,900，嘩！好開心啊！即刻比錢，但係老闆話明日先啦！真客氣！

 

 

佢帶我哋上二樓，我哋住一號房呀！其實基本上我哋包起晒全間民宿，除咗我哋兩個都無其他人，哈！哈！

房間設備整全，走廊有冷熱水機同埋雪櫃檯，有啲房可能無浴室，所以走廊都有浴室同洗手間。八卦完就沖涼瞓覺啦！真係好鬼倦啊！

 

食:早餐(麵包4個加鮮奶): ¥938

      零食:  - 軟糖: ¥99

                   大褔(糯米糰): ¥84X2

                  銀雪魚: ¥120

                  雪糕: ¥300X2

      午餐(熱狗):  ¥380X2

      飲品: ¥150

      晚餐: ¥2,079X2

住: ¥7,900X2

行: 上野 → 東京 :JR PASS (¥160)

       東京 → 輕井澤 : JR PASS(¥5,550)

玩: 森ノ美術館入場卷: ¥1,300 X2

手信: ¥5,410