九天東京、橫濱、輕井澤、箱根之旅(第五天)

19/06/2007　晴天   輕井澤 → 上野、東京

今朝都係八點落樓下食早餐！噚晚瞓得麻麻哋！張床唔係好舒服，張被又重又唔暖，下次有機會再嚟或介紹比朋友都係COCOMO好。

一出飯廳驟眼見到個廚師喺水BAR到，唔使咁大陣像為咗我哋兩個請個廚師返嚟煮比我哋食呀！睇真啲原來係阿伯伯呀！唓！係到整色整水扮晒嘢！咿連婆婆都戴住頂廚師帽啊!

開餐啦！

食飽就收拾行裝返東京啦！我哋之前訂咗9:24的新幹線！所以今朝都無時間再去舊三笠酒店，哩個算係我哋成個行程唯一一個編排咗而去唔到嘅行程，都有少少遺憾嫁！算啦！比個籍口自己下次再嚟啦！

行到出去車站都唔使十五分鐘，點解之前行覺得咁耐今朝咁快啊！重有啲時間入去手信店買吓嘢先！

 

好啦！夠鐘上車返去啦！今朝班車FULL晒呀！

十點半已經返到日光館啦！我哋搵唔到媽媽さ攞鎖匙返房，好彩搵到個揸鎖匙拾房嘅婆婆比我哋攞返啲嘢入房，好啦！今日我哋個JR PASS EAST係最後一日，我哋決定用到佢盡，首先我哋搭山手線去原宿NHK電視台參觀！途經明治神宮，我哋無入去啊！只係門口影張相。

然後去到電視台前嘅公園，咁我哋就喺嗰到間小快餐店買咗意粉同炒飯做晏仔啦！

食飽就入去參觀啦！同伴A話上次佢去時無人嫁！佢咩都可以任玩，重可以報導天氣添呀！但我入到去簡直可以用人山人海嚟形容。唔知今日係咩日子，好多公公婆婆同一啲痙攣嘅人嚟參觀，後來重有啲小學生入埋嚟！所以我哋停留咗一陣就走啦！

之後其實我哋無特定喺東京會去邊，於是我哋就揸住山手線本書仔所介紹四圍去囉！嗰本書仔真係幾好用嫁！裡面寫晒邊到有大型百貨公司、邊到可以轉車、每個站有咩熱門景點，唔錯，係上野車站出口處就有得攞。其實好多地圖喺啲大站都可以攞到，如果唔見就埋去問啲服務員就得嫁啦！

 

我哋跟住去咗涉浴、有樂町(即係銀座) 、東京，最後去埋浜松町睇東京鐡塔。

原宿街頭

表參道

涉浴街頭

銀座西武百貨地下(有樂町站銀座出口)

銀座百果園

好好味嘅哈蜜瓜

肚餓啦！今日我哋食迴轉壽司啊！

 

 

食飽飽就去東京啦！

東京松板屋

東京街頭

今日最後一站啦浜松町 - 東京鐡塔

已經九點幾啦！要返去啦！明日要一早起身去箱根啊！返去要拾嘢準備啊！

食:   午餐:  ¥1,050

     水果: ¥750 (哈蜜瓜、波羅及四個橙)

      晚餐: ¥2,359 (2人)

住: ¥4,200X2

行:   輕井澤 →上野 :JR PASS (¥5,550)

        上野 → 原宿 : JR PASS (¥190)

        涉浴 → 有樂町 : JR PASS (¥160)

        有樂町 → 東京 : JR PASS (¥130)

       東京 → 浜松町: JR PASS (¥150))

       浜松町→上野: JR PASS (¥160)

玩: NHK入場卷: ¥200 X2

其他: 電話咭: ¥1,000

手信: ¥3,256