2007年12月9日 星期日

京都、大阪八天遊 (第三天 上)

26/11/2007 晴天  (上)  京都: 東本願寺、西本願寺、嵐山嵯峨野

原本今日係plan上就去嵐山下就去金閣寺,但因買唔到上就火車票改為下就去,咁而家上就就去東、西本願寺啦!我哋只須喺酒店行幾過字就可以到嫁啦!由於兩個寺院都係九點先開門,所以今朝唔使咁早落街,可以去大浴場浸一浸先,食埋早餐八點半先出發!


西本願寺是淨土真宗本願寺派的大本山。文永9(1272)年創建於東山,天正19(1591)年遷至現址。


西本願寺的建築反映了絢爛豪華的桃山時代的藝術風格。寺安置有開山始祖親鶯聖人坐像。目前正殿御影堂正在維修當中,大約2010年後才可重開。西本願寺已經登記為聯合國世界文化遺










 



睇完西本願寺之後,行過幾條街就去到東本願寺啦但我哋去到時御影堂維修重大型過西本願,直情成個箱咁蓋住嚟搞!完全睇唔到佢真身,同埋今日唔知係咩日子呢?門口大大話話泊咗百幾架旅遊巴喺到,嘩!咁啲人去晒邊呀?


京都人慣稱東本願寺為「Ohigashisan」,而且它的御影堂是世界最大的木造建築,裡面供奉著淨土真宗的創教人「親鸞上人」。淨土直宗大谷派信徒超過1千萬人,勢力很大,德川家康怕失控而另建一本願寺,也就是現在的西本願寺,位置並和東本願寺相對。






原來嚟晒哩到呀!有位大師用個咪係佛堂最前端誦經,信徒就跟住佢唸!廣場同小賣部都有大電視直播,入唔到去可以喺出面跟住諗!我諗哩位大師都幾出名。





遊覽完兩個寺院都就快十二點,所以我哋就行返咗去京都駅Porter地下街到食lunch!好啦!就哩間食個壽司set啦!都唔錯幾好味


 



食飽飽就慢慢行返酒店抖陣先!哩間係酒店隔離間細細神社幾得意



今日終於有時間影返吓間酒店



影吓大堂又四周圍行吓先發覺大堂角落有幾部電腦可以上網,¥100十分鐘,突然醒起過幾日去三宮食神戶牛香港唔記得book定位,咁就即刻入錢上網book位先


 


抖咗陣!一點鐘出發去嵐山嵯峨野啦!我哋京都搭JR山陰線普遍車去馬堀駅


 
 


然後由馬堀駅行去トロッコ亀岡駅地方好鄉村但我鐘意呀


 


 





!車駅內真係好多人呀!






我哋坐1號車廂,坐我哋對面嗰位日本阿太都幾冇品,一埋位就企晒喺個窗邊自己顧自己影相。遮住晒人哋,見佢越嚟越過份,同伴B就拉一拉佢件衫示意佢好坐返底。如果唔係全程睇背脊呀










我哋原先諗住係喺嵯峨野站落,然後行過竹林去天龍寺,咁架車去到個山洞到停底咗,然後有段廣播,跟住有啲人突然好快速咁跑過去隔離車廂,我哋重話唔通查票佢哋坐錯車廂,因為我哋由開始到而家都冇攞過張車票出嚟入閘或上車,有冇買票都無人知,而家硬係查票啦



隔咗陣間車開啦過咗山洞見到個牌寫住嵯峨野,原來頭先段廣播應該係叫哩個車廂想落車啲人要行前幾個車廂先可以落車呀咁而家點呀我要落車呀! 唉!車都開咗!唯有搭到去總站嵐山先行返轉頭囉!



                                                                                                               …… 待續


7 則留言:

  1. 呀! 原來火車在此頁, 拍得比我好好多.
    [版主回覆12/10/2007 07:30:00]哩到啲風景真係好靚啊 !

    回覆刪除
  2. 有d後悔無坐火車...
    [版主回覆12/10/2007 07:32:00]唔使後悔,咪下次再去過囉!

    回覆刪除
  3. 我地當日o係跑去龜崗站,想睇下D狸貓都無時間啦...
    [版主回覆12/18/2007 13:56:00]因為我成日驚搞錯路,所以每處都預多啲時間

    回覆刪除
  4. 嵐山嵯峨野真係好鄉村喎, 不過風景好靚, 行吓都心曠神怡呀~
    架火車頭好有特色喎, 它埋站時影架? 果度出名"狸貓"架? 因為我唔知唸處地方, 只識d大城市咋~~
    [版主回覆10/23/2008 07:32:00]哩一帶真係好鄉村嫁! 但就好舒服囉! 坐小火車主要係睇紅葉同櫻花. 因為路軌兩旁都會分別喺春天同秋天滿山櫻花同紅葉, 所以好多日本人都好鐘意嚟哩到嫁!
    係呀架火車我喺佢埋站時影嫁! 哩間火車總站喺係 嵯峨野, 過少少就係渡月橋嗰頭呀! 你跟團應該會同你去渡月橋啊!   我見而家啲京都團都開始有得坐小火車遊嵐山啦!
    至於狸貓我就真係唔知係咪化表啦! 其實京都四周圍都有嫁! 不過哩到車站特別多囉!

    回覆刪除
  5. 我好多過年前去架, 果時去京都.大板.東京7天, 所以無去"渡月橋", 只係去左清水寺咋, 我上年11月只係去左"本洲.東京", 我都好想去北海道, 但前兩年新年問過價錢, 5天要成萬蚊, 所以去左9天歐洲囉~~
    [版主回覆10/23/2008 17:53:00]啊 ! 原來咁樣 ! 但我 05 年七月跟團去東京北海道七日都係七千幾 , 嘩 ..! 五日成萬又真係幾貴 .
    我出年都想同媽咪去北 海道睇薰衣草 , 我諗暑假啲機票都唔平啊 !

    回覆刪除
  6. d暑假聖誕節最貴, 所以我唔會呢日子去旅行, 雖然新年都唔平, 但長d假期嘛~~
    [版主回覆10/24/2008 07:39:00]我都知, 所以平時我係避開晒啲假期嫁! 但睇薰衣草就一定要七月尾冇走雞, 所以貴都冇計啦!

    回覆刪除
  7. d暑假聖誕節最貴, 所以我唔會呢日子去旅行, 雖然新年都唔平, 但長d假期嘛~~

    回覆刪除