2007年12月7日 星期五

京都、大阪八天遊 (第一天)


24/11/2007 晴天    香港 京都


由於前兩日已經上網Check In攞咗機位所以我哋今日就七點先出門口搭A22到機場大概八點半就到啦好彩on line check in咗咋因為真係好多人呀  而我哋就十分鐘到已經完成晒成個程序之後重過去SKY PLAZA行咗陣先去過關

 



兩個喼都係10.5KG,大把位買啊!


 


三個幾鐘頭後就到達咗關西機場啦!我同同伴B一馬當先拿拿淋去過關,因為實施入境新措施,驚多人會搞好耐,好彩都係幾分鐘就順利過關去等行李



埋行李就先去二樓JR色窗口換個PASS,我哋每人買咗兩個One day pass – Kansai West¥2,000 一個,但好似有BLOG友話一個Counter唔可以同時換晒兩個Pass,所以我哋淨係換住一個用嚟坐特急 Haruka,一程已經歸本啦!然後再買埋後日朝早嘅嵯嶬小火車車票,但竟然上午所有班次已經全部full,咁唯有買下就兩點四嗰班,唉!咁嗰日行程就打亂晒要再安排過啦!



搞掂晒就攞住個Pass入閘啦!我哋會搭3:45班車,75分鐘到就會到京都啦!好方便啊!五點就到咗京都火車站啦!由於今日係星期六又係日本長周未假期,所以車站內人山人海。好得人驚啊!


幾經辛苦終於出咗站,之後再去JR綠色窗口換埋另一個PASS,哩個會過幾日去姫路城時用,去到Counter見到貼咗張通告話嚟緊哩五日嘅嵯嶬小火車車票已經全部賣晒啦!嘩!好彩我哋喺機場搞掂咗咋!


之後去酒店Check In!間酒店都好近咋!拖住行李都係行十分鐘到,全程係平路一啲都唔辛苦。





我知道間房好細嫁啦!我上網睇過晒佢啲資料,我貪佢又平又近,而且頂樓重有個大浴場,每日返嚟可以浸一浸幫助消除疲勞。


好啦!搞掂晒已經六點啦!我哋就開始出發去清水寺啦!由於而家係賞紅葉旺季,所以好多寺院都會開到九點幾!由於我啦擔心之後會玩到好倦,所以就襯而家雄心壯志就即晚去夜拜清水寺啦!


出發前去醫吓肚先!哩個就係我哋嘅晚餐啦!



去到車站好多人啊!入去Information Center買定個巴士One day pass明日用,出到嚟啱啱有間特別車開出 ,站長到大叫但唔佑佢講咩!但我豪不猶豫即刻沖上車,同伴B問我唔啱嫁?我唔知喎!所以我去坐車頭個位然後寫張紙仔 –“清水寺”比司機,司機話 “OK…OK” 咁就安心啦


真係好塞車呀!坐咗40分鐘終於到啦!基本上都唔使睇路牌都知目的地個方向,真係好多人呀!我哋上到斜路嘅一半已經開始要排隊啦!



我哋係喺清水寺後門入,雖然黑蚊蚊但見到真係好多紅葉呀!清水舞台實在太多人啦!到唔准用腳架,不過咪話腳架我連自己都迫到企唔穩呀!重犀利過年三十喺維園行花市呀!




由於我哋得部傻瓜機,所以相影得嘛嘛!唯有在心中啦!






大概九點半就回程啦!搭返100號巴士返京都駅。





返到酒店去大浴場沖涼真係越夜越多人,越夜越精彩!最後搞到成十二點先去瞓啊!


: ¥1,817


    (飯團、杯麵、三文治 + 飲品)


: ¥11,600


: Haurka特急- ¥2,980x2 (JR PASS ¥2,000 à HKD137.00)


    京都 à 清水寺 - ¥250x2


    清水寺 à 京都 - ¥220x2


買嘢: ¥610


: 清水寺入場卷: ¥400X2


 


6 則留言:

  1. 小鳥的魔衣櫃2007年12月8日 凌晨1:29

    wahhhh~~~   清水寺soo horrible 呀!!!! seems my hotel are better than u wor
    [版主回覆12/08/2007 09:35:00]夜拜清水寺哩家嘢一次就夠啦!真係以後唔好叫我去迫呀真係好得人驚呀! 間酒店我貪佢方便同平囉!38000日元2人住四晚,雖然地方細啲,但好乾淨,頂樓重有冷熱風呂同桑拿室啊!

    回覆刪除
  2. 原來清水寺在晚上參觀會更好喎!
    [版主回覆12/09/2007 08:52:00]其實晚上都真係幾靚嫁! 不過係人多囉!

    回覆刪除
  3. 夜祭好多人wo,我個次去係上到去先多人,之前一段路黑媽媽得我一個同幾個日本人上去
    [版主回覆12/17/2007 07:38:00]我哋嗰日係日本長假期嘅周未所以真係多人都我都怕怕啦!

    回覆刪除
  4. 你好勁呀,連起行的照片都做埋... 服呀!
    去京都,紅葉季節係超多人,真係唔知點解,D日本人好似唔駛番工咁...  佢地民族向心力好強,一到大時大節,一定空群出席。
    點解唔住東橫 Inn 呀? 平好多 wor.... 8400日圓一晚咋... 我超級推介你下次去試,但要預早1至2個月前網上預訂。
    http://toyoko-inn.com/china/
    [版主回覆12/18/2007 12:31:00]因為我貪哩間酒店有個大浴場可以浸,佢有冷池,熱池同露天好正嫁,每日行到腳仔軟返去浸一浸好正啊!

    回覆刪除
  5. 不過要望住其他光脫脫,而自己都係光脫脫,會唔係咁好啦... haha...
    [版主回覆12/18/2007 13:53:00]我又唔覺得怪喎!嗰到90%都係日本人,基本上都無人會理你,咁我又唔理佢哋,所以對於我嚟講無咩問題

    回覆刪除
  6. 我果時日頭去清水寺, 估唔到夜晚都好靚喎, d紅葉係咪有燈照住架?? 同日頭睇既感覺唔同喎, 別有一番味道~
    [版主回覆10/22/2008 07:35:00]係啊..夜晚有另一番景像嫁! 不過實在太多人啦! 喺清水舞台範圍迫到死呀! 但都值得嫁!
    你跟團就一定日頭去嫁啦! 我之前都跟團去過京都, 個導遊比一個鐘連遊覽同行買手信, 係由落旅遊巴開始計連埋行上去,等佢講解同買票, 最後得返半個鐘,都唔知自己嗰次睇咗啲咩呀, 所以決定自己去多次, 亦令我開始自遊行嘞!

    回覆刪除