2007年7月14日 星期六

九天東京、橫濱、輕井澤、箱根之旅(第六天)上

20/06/2007 晴天  上野→ 箱根  (上集)

今朝一早又出發啦!我哋首先去新宿小田急服務中心買箱根三日套票,哩張票好好用嫁!箱根要搭好多交通工具,有哩張票又可以指吓個鼻就過嫁啦!

買票時由於售票員啲英文幾好,我哋就問埋佢點可以去到我哋上網訂咗嗰溫泉旅館,佢又好好人啊!佢影咗張旅館穿梭巴士嘅時刻表同地圖比我哋,重搵埋張穿梭巴士嘅相比我哋認住,佢重提醒我哋哩間巴士套票唔包嫁!要比¥100啊!

我哋只係買咗普通票,並無加錢坐浪漫號快車,原來哩個係錯嘅決定,我哋坐嗰間叫做急行,但我真係唔知急喺邊,站站停,重停鬼咁耐,我醒幾覺都未到呀!呆兩個幾鐘先去到呀!

落車時成個站都係人,好混亂好多人,令我哋有啲不知所操,諗住入去間Information Center問吓住宿資料先,因為我哋只係訂一晚嘅旅館而且重無比訂金,唔知人哋比唔比房我哋!好傍惶咁中咗入一間類似Information Center嘅物體,有個外籍人士要求攞地圖,有位姐姐好nice咁比佢同答咗佢好多問題,到我哋啦!佢話無地圖攞喎!而且哩到唔係Information Center,要問就過對面馬路先係喎!咁我哋叫佢介紹啲近車站溫泉旅館比我哋啦!因為佢哋係啲旅遊介紹所,佢叫個唔係咁識英文traineeserve我哋!佢半明半唔明咁同我哋訂一間叫春花莊溫泉旅館,¥12,000一泊兩食加¥525介紹費。算啦!比少少錢人哋賺令自己好似定啲啦!trainee姐姐仔知我哋訂咗遊心亭就教埋我哋點去。

好啦!過去遊心亭放底啲行李同比佢哋知我哋的確嚟,等佢哋幫我哋安排房間呀!其實巴士站只係喺箱根湯本站對面咋!

其實嗰三間穿梭巴士分別穿梭晒箱根湯本內嘅所有溫泉旅館,上咗車好快就到啦!遊心亭外觀幾好!入到去有個男人好溫柔嘅聲線歡迎我哋!我哋show上綱訂位張紙比佢!佢話無問題,但要到三點先同我哋check in,咁我哋放底行李同話底六點鐘返嚟食飯就出發啦!

我哋沿住巴士條路線行返落去車站,原來十幾分鐘就可以行返落去嫁啦!

都十二點幾啦!醫肚先!我哋去
一間冷麵舖食晏!嘩!我個豆腐冷麵好好味呀!但同伴A個就麻麻哋啦!

食飽後就過去箱根湯本站搭登山電車去強羅啦!哩輛電車係Z形咁行,其實都行得好慢吓!全個車程要40分鐘。六月中至七月係繡球花花期,鐵路兩旁都種滿晒繡球花,所以好多日本人都尊登嚟睇佢哋嫁!


食飽後我哋一心上強羅然後轉巴士去御殿場Outlet,但坐完電車上到去先發覺嗰到係無車去御殿場,咁唯有先去大涌谷啦!喺車站買杯雪糕食先。

轉完一輪電車、纜車、吊車終於到咗大涌谷啦!哩個景點其實我同同伴A都嚟過啦!而家只係重遊舊地。同埋上次我係坐旅遊巴直接上到嚟,今次自己上嚟感覺都唔同。

好快咁遊覽一回就返去啦!前後只係幾個字,冒己經覆蓋成個大涌谷嘅山頭,簡直伸手不見五指呀!

有手信店緊係要入去行吓啦!哈!哈!重有隻黑玉子KITTY歡迎我哋呀!

買完手信出嚟真係大冒到差連返車站條路認唔到呀!而家坐吊坐返落去已經咩都睇唔到啦!好彩我哋早咗啲上嚟!

然後就沿路返去啦!去到強羅車站都差唔多五點!其實啲登山纜車都行得幾慢,一上一落都幾浪費時間。 返到箱根湯本時都已經五點八個字啦!因為返旅館間穿梭巴士溤踏三同踏九開,我哋一定要搭踏九開嗰班!否則就趕唔切準時六點返到去啦!我哋唯有飛奔去車站,好彩都趕得到,六點未到就可以返到旅館啦!


6 則留言:

  1. to Shirley, d網址隨便用啦!有d乜0既正網址記住話我聽喎。 絕對冇問題啦,我一定會影好多相的,你11月去幾多日呀?11月去仲好,天氣涼快好多。

    回覆刪除
  2. 嘩!你d遊記好詳盡呀!如果我未去東京的話,一定非常有用。

    回覆刪除
  3. 好詳細呀!我想你對日本是非常瞭如指掌吧 我也去過大涌谷,那兒真的伸手不見五指,好迷幻feel...有無食過黑玉子?話說食完會延年益壽喎...我食過但其實是無咩特別,只是有些硫磺味...

    回覆刪除
  4. TO: 貓姐  我緊係唔係瞭如指掌, 不過去之前真係參考咗好多BLOG友資料就真 我冇食黑玉子呀!因為我唔鐘意食烚蛋啊!

    回覆刪除
  5. 科技發達真好,記得以往去旅行一定要去旅行社取資料,現在有Internet,可隨時搜集好多資料,非常之方便,還可與其他BLOG友交流心得!

    回覆刪除
  6. 係大涌谷有無買黑蛋食
    [版主回覆03/27/2010 17:57:00]我幾年前跟團上去時食過, 一包六粒, 同啲團友一人一粒, 但今次得兩個人所以就無買啦! 而且我本人覺得無咩特別, 都係蛋一隻啊! 不過如果未試過都要試吓啊!

    回覆刪除