2007年7月14日 星期六

九天東京、橫濱、輕井澤、箱根之旅第六天)下

20/06/2007 晴天  上野→ 箱根   (下集)


旅館啲人已經喺門口等緊我哋啦!我哋入到去好多人歡迎啊!然後就介紹吓啲地方,但令我哋好混亂係用溫泉嘅時間表,因為佢有兩邊溫泉分別比男同女享用,但每日唔同時段都會兩換轉用,佢哋淨係UP比我哋知,又明啲唔明啲。

返到上房有一男一女跟我哋上嚟,應該係由佢哋負責我哋,個男嘅同我哋講咗一堆時間表,6:00-7:00 Bath Time

7:00-8:00 Dinner Time

8:00  舖床

明日7:30 Morning Call

然後拾床

8:00 Breakfast

9:30 埋單

10:00 Check Out

一輪咀咁!唔係好消化到呀!我哋哦......完後就喺房到玩景相啦!跟住個男人又走入嚟係咁同我哋話bath time,我哋都無咩理佢,咪至多食完飯先沖囉!又繼續影,然後落樓下影,佢兩個原來已經喺樓下等緊我哋啦!見我哋都唔似去沖涼又係咁話Bath time,雞同鴨講一輪原來今日可能唔多人,佢哋安排咗6:00-7:00個私人風呂比我哋用啊!唔怪得佢哋咁緊張啦!家陣到我哋緊張啦!嗱嗱聲跑返上樓嗱嗱聲換浴衣拾埋沖涼用嘅嘢就嗱嗱聲跑返落樓,佢兩個仍然喺樓下等緊我哋,但今次個樣就滿意好多啦!咁入到去個男人重走埋入嚟萬指住個鐘話而家六點五啦七點就夠鐘啦!唉!七個字浸到甩皮都得啦!

沖完涼浸完溫泉返房後,準時七點就開飯啦!個女服務業員續樣續樣咁送上嚟!見佢就辛苦啦走上走落。我哋就好似老細咁等人服侍啦!

咁多樣嘢我最鐘意個天婦羅,好味道啊!

全個過程個女服務業員不停咁同我哋講嘢,但我哋真係唔知佢UP咩!所以講講吓佢都無心機再講啦!

食飽飽後!佢就叫埋個男服務業員一齊入嚟幫我哋舖床,哩個男人好鐘意講嘢!重好似好叻咁唔停咁揭佢本筆記篿然後講英文,但我真係唔知佢UP咩!我見佢咁我咪又唔停咁張我識得嘅日文(得嗰幾句日文咁大把)係咁講係咁講,一於就佢又佢講我又我講。

差不多八點半佢哋就全面切退啦!咁我哋就PLAN吓明日嘅行程之後就瞓啦!

:   早餐(麵包+鮮奶): ¥650

       午餐:  ¥1,910

         雪糕: ¥280X2

: ¥10,650X2

: 上野 → 新宿 : ¥190X2

      小田急套票: ¥5,500X2 (新宿→箱根湯本車站

      箱根湯本車站 → 遊心亭 : ¥100X4

手信: ¥2,550

 

3 則留言:

  1. 其實見你都定好左邊日去邊...下次上網BOOK 好晒溫泉同住宿先呀MA~ 我自己就比較喜歡BOOK 好住既地方先~ 因好多時比較好既都比人一早BOOK 晒~ 況且又可以睇埋評語同野食環境~

    回覆刪除
  2. To Q! , 我地雖然plan好晒行程,但唔肯定去唔去到啲地方,而且我個friend上次跟人自由行時住宿都係walk in,所以今日我地都係咁囉,但我又覺得幾好玩,不過嚟緊十一月去京都就唔會玩walk in啦!因為到時係當地旅遊旺季,我一定book好嘢先出發啊,如果唔係我驚要瞓街呀!He .. He !

    回覆刪除
  3. 我同你BOOK 呀~ 我可以SAVE POINT~~KAKA!! 京都我FRD 住開間OK咖!! 佢成日去日本! 你可以E-MAIL 問我 info@meteorstones.com 我3月都會去日本...等緊CONFIRM 位...!! 18 日 住宿...真係...XXXXXXX

    回覆刪除