2007年7月14日 星期六

九天日本開心難忘之旅(第七天) 下

21/06/2007 晴天  箱根湯本 蘆之湖 御殿場Premium Outlet

                                     仙石原 (下集)

好啦!感動完就要起程啦!伯伯真係無講錯,不出五分鐘星之王子博物館已經出現喺我哋眼前啦!

「星之王子博物館」(The Museum of Le Petit Prince) 是為了紀念法國著名童話大師安東尼.聖艾修伯里(Antoine de Saint Exupery)誕生100周年而開設的。安東尼的作品「小王子」 (Le Petit Prince) 膾炙人口,被翻譯成近百種語言暢銷全球。這個作品的意念是希望將一個重要的信息傳達給所有的人。在現今這個混沌的社會裏,「我們的眼睛都看不見了最重要的東西」,這個「小王子」的信息,超越了時間和空間,滋潤著每一個人的心靈。

去之前記住上佢哋個官方網址印返張割引卷可以平嫁

遊覽完星之王子博物館都係三點幾咋!重有大把時間,然後我哋係伯伯指示,沿住條路繼續向前行,但點解要落斜又轉彎係咪嫁,經過個地盤入去問吓啲工人先,佢哋都話係沿住條路行就係嫁啦!咁我哋又轉個彎上個斜返出大路,呀!見到啦!伯伯果然無點我哋,只係我哋又再一次challenge伯伯姐!

我哋又係印咗張割引卷,買完票一入到去,我同同伴A都不約而同「嘩」唔係講假!真係幾靚,起碼我係無諗住係咁靚,最衰唔夠太陽,如果唔係啲太陽光射落啲水晶到會好閃重靚啊!


 哩張係postcard嚟咋

箱根玻璃之森美術館所見的街景景觀,很容易讓人想到歐洲中世紀的街道來。這裡有美術館、店面和咖啡館散佈在廣大的庭園中。在美術館裡展示著約100件的威尼斯玻璃品,是曾經讓歐洲貴族為之瘋狂的威尼斯玻璃藝術。 (http://www.ciao3.com/top.htm)

 

哩幾個係美術館最出名嘅展品

哩個美術館啲嘢實在太靚啦!我哋都停留咗好耐,走嗰陣又係按伯伯指示出門口個巴士站等車返去啦!但車站一個人都無當,我哋猶疑緊究竟下一班車幾時會到,使唔使等好耐之際己經有巴士到啦!嘩!好開心呀!嗱嗱臨上車啦!我哋今日嘅行程順利完成晒啦!五點幾已經返到箱根湯本車站啦!重有時間可以行吓商店街買吓手信!

行行吓啲舖頭開始姍門啦!五點九咋!嘜咁早收嫁!咁唯有搭穿梭巴士返春花莊啦!

到咗之後,負責嘅職員好詳細咁講解房間、浴場、食早餐地點分佈之後就帶我哋上房啦!一入房就知出事啦!間房大到五六人都住得落呀!即係話我哋比多¥2,000分別不在於食而係住得大。唔制呀回水呀


見未夠鐘食飯就落樓下四周圍影吓相,可能因為成個箱根嘅行程都差唔多完成晒,成個人都鬆晒,就係咁同伴A就大意啦!當我哋喺旅館外影完相返入大堂經過Reception個職員同我哋講唔知咩咩over there!講咩呀都唔明,於是我就轉頭問同伴A究竟佢講咩over there呀? 同伴A好一個寬佬賴理嘅樣話: 唓!點知佢想講咩呀!理得佢咩over there? 」話口未完就聽到同伴A大叫…呀!我個腰包留咗喺到呀!原來頭先掛住影相佢就咁將佢啲身家財產證件放咗喺大堂中心啊!好彩哩到無咩人出入咋!否則就將佢over there我就返香港啦



返上房食飯,哩到就一次過嚟晒所有嘢然後問你須要幾耐時間食,之後就依時入嚟拾嘢然後舖床,個服務員亦唔會同你傾計溝通


食飽後就去浸溫泉啦

浸完就返上房拾埋嘢瞓覺啦


: 午餐:  ¥126+¥120

     飲品: ¥130+¥120

    牛奶: ¥126

    杏仁布甸: ¥180

: ¥13,013X2

:  箱根湯本車站 → 春花莊: ¥100X2

手信: ¥4,062

: 星之王子博物館入場卷: ¥1,350 X2

    玻璃之森美術館入場卷: ¥1,200 X2

 

8 則留言:

  1. 好鍾意個D玻璃牌! 不過三千幾YEN! 見到都未必買...哈

    回覆刪除
  2. 想請問一下,你們到小王子博物館和玻璃之森,逗留了多久? 小妹計劃一個人十一月去東京+箱根十天. 為什麼不留在第一天的旅館?

    回覆刪除
  3. TO: Dr. Koala / 鄧橙:  我哋小王子博物館逗留咗一個鐘到,而玻璃之森就成兩個幾鐘啊! 因為我同我個Friend都好鐘意影相(係唔係都影嗰種),所以比人哋啲時間耐D 因為我哋諗喺訂房同訂埋早餐同晚飯,如果兩晚都住埋同一間食埋同一樣嘢好似無咩新意,所以咪諗住試多間囉! 你十一月幾去呀!我十一月尾會去京都大阪呀! 機票同酒店都啱啱BOOK咗啦!  箱根真係一個好地方, 玩得開心D啊!  

    回覆刪除
  4. 嘩, 好靚呀~ 但係點解日本會有個巴黎既小王子museum?

    回覆刪除
  5. To: 靜靜  我都唔知點解呢? 不過裡面真係幾舒服啊!

    回覆刪除
  6. 你影d景靚好多...我地因時間既關係...無去到8王子到參觀...但好似無咩景睇既
    [版主回覆10/07/2008 18:52:00]我都覺得小王子嗰到嘛嘛哋! 但如果對小王子有興趣就會好開心囉!

    回覆刪除
  7. 星之王子值唔值得去, 五月我會去箱根, 諗先去富士五湖之河口湖, 跟住值入箱根,
    [版主回覆03/27/2010 17:51:00]Hmm....其實好睇你自己對星之王子有冇興趣, 我就覺得一般囉! 但有啲去到嘅人就好興奮, 如果我自己係會鐘意玻璃之森多啲囉!

    回覆刪除
  8. 哈哈, 一路睇, 一路發覺原來你對日本D溫泉旅館有D誤會 . . . . " 返上房食飯 . . . 之後就依時入嚟拾嘢然後舖床,個服務員亦唔會同你傾計溝通 。" 其實, 是日本人對旅客既尊重, 因為, 按日本傳統, 入住 溫泉旅館既旅客, 一般都是身份顯赫的人士, 所以, 十分注重私隱, 只有在大堂的接待員(通常是老闆娘), 才會和客人溝通, 預先把客人的特殊要求安排好晒, 其他服飾員, 只可以按分咐辦事, 不可以多, 也不能少呢  所以, 他們只會對住你"傻笑"
    [版主回覆10/24/2010 19:40:00]哦! 原來係咁! 因為我見之前嗰間啲服務員明知我哋聽唔明都同我哋死講死講, 所以一比較好似哩間啲人就冷莫啲咁囉!
    不過諗落有係喎! 有馬溫泉啲服務員都係自己搞掂晒嘢就離開, 唔會打擾我哋啊!

    回覆刪除