2007年7月15日 星期日

九天東京、橫濱、輕井澤、箱根之旅(第八天)上

22/06/2007 雨天    箱根 上野 (上集)


今朝又係一起身就去浸溫泉先,今日浸嘅溫泉同噚日唔同,今日哩個個池就細啲但個露天溫泉就靚啲,同埋更衣室就女性化啲!今日我又係包場呀!


 


 


今朝七點九就開始食早餐,但今次就唔係喺房食啦!我哋要去頂樓宴會廰食。入到去已經有住客食緊啦!成個廰都係得十二三人,但就預備成枱嘢,跟本都食唔晒,其實都幾浪費


 


 


好啦!食飽嘢就拾埋嘢去Check out啦!我一心以為我哋已經喺介紹所比晒錢,我而家只須要還返條鎖匙就得啦!點知去到Cashier到重要比多千幾円!點解呀!原來之前¥12,000係未包入浴稅¥1505%消費稅呀!咁即係¥12,750一個人重有之前¥525介紹費成HK$900一個人好貴呀!但我哋都唔覺哩間旅館值得收哩個價囉!搵笨呀搵笨呀……!


我哋就懷住唔嘅心情行返落去湯根湯本車站!首先就喺車站內Locker放底啲行李,然後坐登山電車去強羅公園!因為而家喺繡球花花期公園內啲花應該會開得好靚。之前我哋喺車站攞咗張coupon可以平¥50,買咗入場卷後一入到公園,真係有啲失望,香港好多普通一個公園啲花都靚過哩到!好多花都謝晒又唔修剪而且個天越嚟越黑,所以影出嚟啲相好暗,一啲都唔靚啊








最靚嗰啲全部喺花房裡面要比錢買嗰啲






 


                                                                                                                       ......待續


1 則留言:

  1. 我6年前去唔洗錢
    但一樣又灰又暗
    d花又唔靚 又無人 好可怕
    [版主回覆08/18/2008 07:50:00]哩個公園真係唔見議去, 原來咁多年都無變過.

    回覆刪除