2007年7月8日 星期日

九天東京、橫濱、輕井澤、箱根之旅(第四天)下

18/06/2007 晴天   輕井澤 中輕井     下集

好啦!半個鐘終於到啦!好開心啊!

已經三點半啦!因為博物館四點半要收工,咁我哋就好心急咁由後門行咗入去,入到去嗰part原來只係賣記念品,咁我哋咪問吓售貨員我哋想過去博物館,位太太好好人,其實係隔離嫁咋,但佢親至帶我哋行過去,又幫我哋同賣票姐姐講我哋要入場參觀。

同伴A見難得遇到個識講英文嘅人就捉住佢問埋點樣可以搭車返民宿啦!太太又好好心機個巴士時刻表寫個時間表比我哋同埋畫晒地圖教我哋點行。真係好啦!咁我哋就好安心咁入去參觀啦!

睇完一輪咪返過去賣記念品嗰邊啦!同伴A就簡記念品
,而我無咩嘢啱!咪行行企企囉!阿售貨員太太見我咁得閒,佢又咁得閒就倒返轉捉住我傾計,問我邊到嚟呀? 哩幾日住邊呀? 一聽我話香港嚟佢就鬼咁開心啦!佢話佢四十年前就已經嚟過香港啦!!四十年前我都未出世,佢又去過英國,唔怪得啲英文咁好啦!然後佢知道我哋今日嘅經歷,佢同佢同事都好驚訝我哋點可以由咁遠行到嚟!唔好話佢哋,我都好驚訝點解我哋可以行到嚟!跟住佢就好擔心我哋真係唔識返去,佢叫我攞返頭先佢畫個地圖出嚟!再好詳細咁加啲指示落去然後再從新講一次點行過去

當時即係令我感受到人間溫暖啊

 

走啦!佢兩個一直送我哋出門口,然後就同我哋Bye Bye,一直目送到我哋離過咗佢哋視線範圍。有高人指路,不出數分鐘我哋已經安然到咗巴士站啦

當我哋重研究緊究竟間巴士邊到開出同途經邊時
,已經有巴士到啦!我只見同伴A做咩大個口得個窿,我擰轉頭一望,到我大個口得個窿,原來係頭先個好心司機呀!上到車我哋係咁多謝佢,但佢仍係嚴咁叫我哋坐底同埋坐埋一邊先,今次車上面個班學生就高班啲啦!但都係牛咁眼望住我哋!

學生落晒車啦!司機就叫我哋坐喺佢後面,問我哋去唔去到個博物館呀?我哋而家要去邊呀!因為頭先我哋講過要返中輕井澤但哩間車係返輕井澤,佢驚我哋搞錯,咁同伴ASHOW個地圖話佢知我哋今晚住嘅位置啦!佢係咁擰轉個頭傾呀傾!我眼見前面已經由紅燈轉咗綠燈啦!重講緊……前面兩間車都開晒啦!重講緊……唔好意思都要打段佢哋啦!司機叔叔 SORRY呀!佢一見啲車開晒佢都立刻自己講返句SORRY呀!佢咁嚴謹今次都老貓消鬚啊!

好囉!五點幾已經安全返到輕井澤車站啦!同司機say Goodbye之後
,我哋喺巴士站睇咗輪,其實哩到都有幾條巴士路線去一啲熱門景點,不過班次就疏啲,如果到咗七月踏入旺季就會有觀光巴士循環線,到時就會方便啲。

 

好啦!研究完就過去隔離Prince Shopping Plaza行吓啦!今日行西座,行咗個幾鐘買吓手信。

今晚我哋就係Plaza內的味の街食晚餐啦

我哋今日無食晏就呀!而家安頓好晒肚仔餓啦!同伴A好明智咁選擇咗間拉麵舖,點解明智…… 哩間拉麵係新開張嫁!每人埋單後時重有紀念品送返啊!哩啲緊係事後先知啦!

 

食飽飽係時候返歸啦!今日真係好倦啊!同伴A今日買咗盒鎮痛貼慰勞大家嗰對十一號呀!

今晚都係差唔多八點就返到Pension EXE,婆婆等緊我哋啦!佢無介紹吓啲地方就直接帶我哋上去二樓間房啦!今晚都係得我哋兩個咋!我哋八卦咗陣就沖涼瞓覺啦!

 

: 晚餐: ¥2,540

: ¥6,500X2

: 巴士(2程) : ¥200x2x2

: Zrzgebirge玩具博物館入場卷: ¥600 X2

鎮痛貼(28枚): ¥1,980

手信: ¥5,124


1 則留言:

  1. 我都有去呢間玩具博物館超中意呢..
    [版主回覆09/22/2008 21:20:00]係呀..係呀! 嗰到啲嘢幾靚同埋有啲又幾得意嫁! 不過唔係好多人去,所以去之前都搵唔到資料,搞到迷路啊! 但就留下深刻印象, 尤其嗰個好心司機啊!

    回覆刪除