18/06/2007 晴天 輕井澤 → 中輕井 (上集)
今朝八點就落樓下食早餐啦!今朝唔使食麵包,老闆同老闆娘齊齊整早餐比我哋兩個,我哋好似VIP咁呀!包晒全場。嘩個早餐好好味呀!老闆重喺我哋後面STANDBY,一見我哋個杯飲晒嘢就即刻過嚟加,好鬼細心啊!享用完美味早餐找埋數後,我哋就同老闆SAY GOODBYE啦!我哋重問佢攞咗COCOMO嘅 CATALOGUE 話介紹比朋友,因為佢哋嘅服務真係好好,老闆聴到好鬼開心,係咁躹躬多謝我哋啊!
COCOMO: http://www.saturn.dti.ne.jp/~cocomo/
離開COCOMO後我哋就行過對面PENSION EXE放底行李啦!阿婆開門萬咁問我哋噚晚係咪住喺COCOMO呀? 唓!佢都望到我哋喺嗰邊過嚟重問咩鬼喎!係又點喎? 放好行李後婆婆就要求收咗錢先嘞!搞掂晒啦我哋就响雲場池出發啦!
其實我哋住嗰到係去雲場池必經過嘅地方,都幾方便嫁!我哋大概行咗半個鐘就到咗啦!如果睇相或旅遊書哩個地方好靚嫁!真實去到係比想像中細,但因我之前係啲網友日誌中提及過,所以有晒心理準備,都OK嫁!影咗啲相出嚟幾靚嫁!
其實我睇過好多資料,但講關於點去中輕井澤嘅景點方法都唔係有太多記載,諗住嚟到會有多啲有關資料,但原來都係唔多。
遊覽完又準備去下一個目標啦!「Zrzgebirge玩具博物館」 哩到又係無咩介紹係用咩途徑可以去到。唯有出返車站先算啦!今次我哋臨走前問清楚點行先!嗰到有個餐廳女侍應好NICE咁教我哋行條無咁崎嶇嘅路返出去。 呆坐咗半個鐘,終於有巴士到啦!好開心咁跳上車,嗱嗱臨攞地圖出嚟問司機可唔可以去到「Zrzgebirge玩具博物館」,佢個表情話我哋知只可以去到附近,要自己行入去,OK!斷估點都唔使行兩個半鐘卦!司機一路揸一路幫我哋睇地圖,但仍好嚴謹咁叫我哋坐埋一邊,搞咩鬼呀!間車都無人使咩坐到咁迫呀!過咗兩個站原來有一大班小朋友上車啊!佢哋放學啦!有一個小朋友一上車見到我哋就想模吓同伴A隻手!吓佢想搞咩鬼? 全車小朋友都牛咁眼望住我哋兩個,咩我哋似外星人咩???? 當我哋落車之際,頭先想模同伴A隻手個小朋友沖上嚟伸隻手仔捉住我隻手話:「How are you?」 啊!原來想同我哋打招呼兼show吓quali,佢哋重成班走晒埋窗口同我哋Bye Bye!都幾得意! ...... 待續
紅葉時節的雲場池真的好靚o架....
回覆刪除[版主回覆12/02/2007 00:01:00]可惜我係夏天去啦!
hihi, our trip is quite similar neh
回覆刪除[版主回覆08/08/2008 07:39:00]真係! 咁我去你到睇吓先!