2011年7月22日 星期五

匆匆忙忙沖繩四天團 - Day 2.2

離開万座毛後已經中午,所以我哋被安排食午飯先再參觀果園,但其實參觀嘅地方就係食午飯嘅餐廳隔離,應該話嗰個地方有餐廳、果園同賣土產嘅地方。



今日哩餐叫做琉球風味菜嘅自動餐。

其實好多種食物都似我哋中國嘅煮法。


除咗琉球菜,重有少少西式可以選擇。


雖然好多嘢食, 但都係一轉就飽咗!我今個晏就都算大食嗱!又飯又意粉,所以好飽啊!

沖繩最出名幾樣送我都有食呀!包括苦瓜、波羅同炆豬腳,但唔見有海葡萄就有啲失望啊!食咗幾餐都重未見到有哩樣出名嘅食物。


哩舊豬腳我攞佢嘅原因係因為我一睇就覺得佢好似隻豬嘅樣呀!好搞笑呀!


食飽飽就可以過去隔離嘅果園到參觀。



但嘅地方都幾大,但唔覺有好多嘢睇,好多生果樹未有果實出嚟!前幾日我去長洲見到啲有果實嘅果樹重多過哩到呀!而且天氣真係好熱,裡面好似溫室咁設計,實在唔好受。所以只係影咗一陣相就返入去室內啊!





芒果就最多啊!





果園內佈滿哩啲手做嘅石獅子,係沖繩好出名,如果有時候可以去試吓自己DIY做返隻,哩個果園內都有哩啲體驗班咖!





其實除咗生果園,佢哩都重有蝴蝶展區,雀仔展區,但好似無咩特別,所以都無咩影相啊!



行咗陣就返入賣土產嘅地方,佢會有啲時令生果免費比遊人試食,但據我所知,大部份時間都只係供應波羅,不過哩到啲波羅又真係好好味啊!



沖繩啲玻璃產品真係好靚呀!



哩啲玻璃獅子幾cute




離開果園就會去今次行程嘅重頭戲 - 沖縄美ら海水族館



                                                                                                       

here

                                                                                                          續  ...... Day 2.3


4 則留言:

  1. like!

    [版主回覆07/23/2011 12:27:00](Empty)

    回覆刪除
  2. 哈哈. . . 咁都比你睇到    真系好似我
    [版主回覆07/23/2011 12:28:00]真係越睇越似呀!

    回覆刪除
  3. 你把果園美化了...:)
    我去到其實好失望架haha
    [版主回覆07/24/2011 12:58:00]其實因為出發前睇咗你個blog, 所以我已經有咗心理準備先至令失望度減低咋!

    回覆刪除
  4. Shirley :          似豬樣既豬腳 ,         咁都得 ~
    D玻璃又真係幾靚 , 玻璃獅子個樣勁攪笑 .  
    Bye Bye !
    [版主回覆08/07/2011 19:04:00]我本來對豬腳嘛嘛哋, 但一見到哩o舊似豬嘅腳就真係非搞不可啊! 啲玻璃真係靚呀! 但自己最後一件都無買過呀! 不過睇返啲相都一樣啦! 買咗返嚟都係擺喺到睇啫!

    回覆刪除