2011年7月24日 星期日

匆匆忙忙沖繩四天團 - Day 3.4

返到上房抖咗陣,就落去酒店四周圍行吓。


酒店大門口



其實酒店裡面都有間便利店,係開到十二點咖!品種雖然無沙灘嗰間Family Mart咁多,但我覺得都OK咖!



除咗便利店,另外有間賣手信嘅店。



手信店旁有間Business Center,Center內一左、一右都有部電腦免費比住客用。而大堂都有Wi-Fi,第一次上嘅時候須要入password,可以問 Receiption攞就得咖嘞!




當日見到有幾對新人喺到搞婚禮呀!




樓梯行上去就係行婚禮嘅禮堂,正因為有幾場婚禮,所以我哋入唔到去禮堂到參觀啊!



行咗一轉,差不多六點鐘,哩晚嘅晚餐都係食自己,我哋同領隊訂咗牡丹蝦,再加杯麵做晚餐,啲蝦要八點幾先運到嚟,所以哩個時間最好先去浸溫泉,因為大部份人都要去餐廳食飯,哩個時間去浸我估計哩個時間應該唔會太多人啊!


哩個溫泉同日本其他嗰啲有啲唔同,因為沖繩無火山,所以哩到哩啲溫泉水並唔係含有琉黃嗰樣溫泉水,而喺嚟自深層海水,我都唔係好識研究係詳成份,咩功效,總知有得浸我就開心啊!


哩到總共有六個池,五熱一冷同一個桑拿房。我最鐘意有個冷池,當浸到慶晒嘅時候再跳入個冷水池到真係好爽咖!




哩到溫泉重有樣特別係要著泳衣咖!反而哩樣我有啲唔慣呀!我都係鐘意傳統啲。



我哋揀嘅時間真係好啱,差唔多包場咁制,最後唔覺唔覺玩咗成兩個鐘先走呀!



返上房前去泳池旁影吓夜影先,我見人哋post啲夜影相好靚啊!不過我啲就嘛嘛咋!






望上禮堂到有人舉行緊婚禮喎!



終於九點鐘先返上房,等到九點半先搵到領隊攞蝦,佢話咁晏係因為啱啱先宅急便送到嚟,哩五隻咁大嘅蝦價值4,500円。



真係好好味呀!中醫叫我唔好食生、冷嘢,但難得一次出嚟玩就哩幾日都放肆下啦!



食飽飽係時候拾嘢準備第二日返香港啊!


循例又影吓啲戰利品先!


我唔知由幾時開始,好鐘意買當地有特色或代表牲嘅file,覺得佢哋唔阻地方,又實用,攞上手又會記起去過嘅地方。



我見人哋啲blog有好多叮噹嘅限定產品,但我只係搵到哩兩件咋!用嚟送比鐘意叮噹嘅朋友嘅↓



哩個尼龍我淨係喺哩間酒店嘅便利店見到,國際通嗰到嗰啲淨係得Kitty公仔,唔似得哩個有沖繩嘅地圖同每個地方嘅特產,之前我去北海道都買咗個類似咖!



重有幾個Kitty嘅沖繩限定扭蛋



B女媽咪今次攞唔到假唔可以一齊嚟,就買返啲土產比佢感受吓啦!



                                                                                                         

here
 
                                                                                                          續  ...... Day 4.1


10 則留言:

  1. 啲夜景相影得唔錯 ,環境很正。
     
    今次影相用原本果部相機或用新個部遠攝相機去影呀?
    [版主回覆07/25/2011 07:33:00]日頭同埋水族館裡面就用新嗰部, 因為可以校光圈定快門呀! 效果比舊嘅好, 但係影近景同夜景就係用返舊嗰部, 新嗰部掌握唔到, 所以影唔到上面嘅效果呀! 

    回覆刪除
  2. 請問呢個團要幾錢呀,我都想去,我問過九月份要七千幾元,好貴呀,不過真係好靚。
    [版主回覆07/27/2011 22:01:00]哩個團因為標榜住兩晚萬豪, 所以團費比其他公司啲都貴,團費加燃油附加費同機場稅要HKD7,300- 再加四日導遊費HKD400-。 真係幾貴, 不過去完又覺得真係幾值啊!
    沖繩真係幾值得去咖! 諗諗佢啦!

    回覆刪除
  3. 唔怪得可以影相
    [版主回覆08/07/2011 14:42:00]因為全場得我同細妹先會影相啫!

    回覆刪除
  4. Shirley   :             度結婚 , 好浪漫既呢 ?   
    呢D "溫泉" , 俾我一定浸到唔捨得走 , 一冷一熱 , 夠晒和味 .  
    P.M.9:30 ? 晚餐當宵夜咯 .   
    Bye Bye !
    P.S. : 唔係 ~ D夜景相好靚呀 ~   
    [版主回覆08/07/2011 19:32:00]我都覺得好浪漫呀! 我知你都好一冷一熱, 真係正到無人有呀! 重要我哋兩個包場, 所以哩次玩咗兩個鐘先走呀!

    回覆刪除

  5.    新郎新娘都是全純白色禮服,很悅目,幾時到妳做主角呀?
    [版主回覆08/28/2011 13:32:00]小子你又玩我嘞!

    回覆刪除
  6. 人生必經之路呀!
    [版主回覆08/29/2011 15:17:00]真係唔夠小子講呀! 如果真係有哩一日, 一定唔會流咗小子一份呀!

    回覆刪除
  7. 我都打算去沖繩玩, 想問你係咪跟 x 安呀 ?
    [版主回覆08/29/2011 15:18:00]係縱x遊呀!

    回覆刪除
  8. 係就快D,若到那天小子要扶柺杖時可能不便前來祝賀了!但人唔到禮會到,小子識做!
    [版主回覆08/29/2011 16:23:00]! 哩啲嘢真係急唔嚟呀!

    回覆刪除
  9. 著緊點但也要謹慎點,香港男比女少愈來愈明顯,好男更少!
    [版主回覆08/29/2011 18:40:00](Empty)

    回覆刪除
  10. 酒店唔錯喎 !
    [版主回覆08/29/2011 18:39:00]係呀! 哩間酒店真係好正啊! 貴就貴啲, 但物有所值啊!

    回覆刪除