2011年7月23日 星期六

匆匆忙忙沖繩四天團 - Day 2.3

由果園前往沖繩海洋公園只須半個鐘頭嘅車程,到達時已經係三點幾,可以比我哋參觀嘅時間唔太多,而公園面積相當大,所以我哋都只係去咗海龜館、海牛館同大水族館。


由停車場行入去展覽館都要幾個字,當日太陽相當猛烈,沿途無遮無擋,感覺自己喺個火爐上面比人蒸緊咁呀!


 


經過哩到有啲涼涼哋嘅濕氣噴出嚟可以幫手降降溫呀!



由於四點鐘有海豚表演,而海龜館同海牛館就喺海豚表演場地隔離,所以先一直走到公園盡頭睇咗睇咗大海龜同海牛先。其實對於我哋香港人,睇哩啲海洋動物都唔會太興奮,我自己覺得同香港嘅海洋公園差唔多,不過海牛個樣傻傻哋又幾cute啊!


最左手邊有間白色屋頂係海豚表演地方,中間藍頂係海牛館,最右綠頂嘅係海龜館。



啲海龜好大隻呀!佢游水嘅姿勢同我一模一樣呀!




海牛個樣真係好傻啊!




佢好似用對魚鰭嚟行路咁呀!



其實最吸引我並唔係哩啲嘜館、默館,而係對出嘅沙灘呀!



啲水清到都唔知點形容呀!真係有衝動即係沖落水游返轉呀!





靚到唔捨得走呀!




 

三點九個字,唔捨得都要走嗱!表演大池旁有個細表演池剛剛做緊show啊!



啲海豚喺水池裡面warm up緊,準備一陣開show呀!



嗱嗱臨過去搵返個好位先,行遲咗就要坐啲比太陽曬住嘅位咖啦!個view都幾正呀!



都係嗰句,係香港睇過海豚表演的話,哩到嘅表演亦唔會有驚喜比到你,但一場嚟到都係要坐底捧吓場啊!





相比較難影得好,次次拑制都慢咗,影出嚟啲海豚都係往下跌。



所以都係影viedo比較好。


海豚頂波



我自己就最鐘意工作人員喂海豚食魚仔哩段嘞!好搞笑!




                                                                                                    

here

                                                                                                       續  ...... Day 2.4

  

                                                                                                         


6 則留言:

  1. 我都係影咗d海獅表演嘅Video,唔識放上blog,
    後來請教blog友 火鳳凰自言自語 ,攪掂咗啦!你試吓吖!
    (1)請登入 youtube 網頁 :
               http://www.youtube.com/?gl=HK&hl=zh-TW
    (2)按建立賬戶,完成後,按上傳。
    (3)按上傳影片,彈出「我的影片」框框(即是你存放自己影片           的框框),按滑鼠選取要上傳的影片,按開啟。
    (4)等待影片完成上載!
              祝你成功 !
    [版主回覆07/24/2011 12:59:00]我試咗都唔係好搞得掂, 得我再研究吓先, 唔該晒你呀!

    回覆刪除
  2. 佢都比幾多時間你地stay o係個海洋館喎, 唔錯!重有時間睇show
    [版主回覆07/24/2011 13:01:00]其實都只係比兩個半鐘到, 不過入場時間同表演時間夾到囉! 個領導安排都ok咖!

    回覆刪除
  3. Shirley :            天氣真係好熱咁喎 ,        呢D "水族館" , 2.5小時真係唔夠玩 , 個海豚 Show 好好睇呀 .  
    Bye Bye !
    [版主回覆08/07/2011 19:07:00]哩個水族館如果自己嚟, 一定要玩一日呀! 不過而家佢比2.5小時都好好嗱! 而且哩2.5小時又夾啱哦表演時間, 我知有啲導遊比嘅時間少之餘重睇唔到表演咖! 真係嚟過到此一遊就算嗱!

    回覆刪除
  4. 嘩!真係好靚沙灘,係可以在海洋館自己行出去, 2.5小時你睇唔睇得晒d嘢?好像好大wor。如果去全日會唔會好浪費?
    [版主回覆08/23/2011 07:40:00]我都覺得哩個沙灘勁靚啊! 最衰無時間, 如果唔係一定會喺哩個灘行吓玩吓水, 不過哩到應該唔係可以游水漑沙灘, 所以無沖身洗手嘅設備啊! 海龜館旁有條樓梯就可以行落去哩個沙灘啊! 哩個公園真係好大, 可能因為領隊嘅時間夾得幾好, 一啲重點好似海豚表演、喂鯨鯊表演都睇到, 但如果自己去一定會留耐啲囉! 至於使唔使一日好睇你個人喜好, 我個人覺得半日就一定要, 因為一場嚟到, 而且入場費唔平, 緊係要到到睇吓啦! 而且啲館內真係有好多大大小小嘅水箱睇唔同嘅海洋生物, 其實要族樣睇真係可以睇一日啊! 如果我自己去的話我會遇四至五個鐘囉! 記住上網check吓佢哋啲表演時間啊!  http://oki-churaumi.jp/

    回覆刪除

  5.                                    認真水清沙靚!
    看妳的短片,妳楂機很定 0番!抵讚!
    [版主回覆08/28/2011 13:17:00]哩到真係好好好靚呀! 喺到真係唔捨得走呀! 多謝讚賞啊! 我都無留意定唔定啊!  其實我揸完部機都覺得有啲手痺呀! 

    回覆刪除
  6. 沖繩個然喺->>>夏天一個屬於海邊的季節

    回覆刪除