2011年7月24日 星期日

匆匆忙忙沖繩四天團 - Day 3.1

哩一日全日都係自由活動,所以好free,時間由自己控制,於是今日選擇瞓晏啲,七點起身啦!對於我去旅行起身嘅習慣七點係晏咗啊!


由於無諗住出去其他地方,所以哩日啲相全部都係攝於酒店內啊!


落去食早餐前不如先參觀吓間酒店房先啦! 始終今次嘅團費咁貴都因為住兩晚哩間酒店呀!


我哋住九樓,酒店一共十五層,所以我哋算係中層房啊!




兩張大床,超舒服呀!




有個落地玻璃小翩廰,坐喺到可以發呆半日呀!





翩廰旁有個露台,哩到對於我哋嚟講真係好正,因為哩到過咗中午太陽會開始曬入嚟,哈...哈!啱晒我哋喺到浪衫呀!



哩間酒店其中一個賣點係間間房都係海景房。





哩個泳池一陣就落去玩



再望遠就可以見到酒店嘅私人沙灘。



沙灘旁有間Family Mart,所以都唔使擔心食嘅問題啊!



跟住就到洗手間,好大啊!





五星級酒店,設備當然要齊全啦!哩到啲洗頭水、沖涼液用獨立包裝就方便我哋帶落沙灘時用,因為嗰到無沖涼嘅用品啊!



走廊有部製冰機,由於房內嘅雪櫃唔多夠凍,所以我哋會喺到攞啲冰放入雪櫃啊!




好嘞!參觀完畢,落去食早餐嗱!


哩到六點開始可以食早餐,之前講過哩兩日酒店啲房係full晒,所以早餐時間都幾多人,要排隊等安排進場啊!


哩到一樣係分日式同西式。



哩啲係魚蛋,幾彈呀、幾好味啊!




哩啲全部係沖繩嘅特產



好大窩嘅蟹味噌湯



西式沙律,當然有苦瓜啦!哩到啲苦瓜生食都好好味啊!



生果緊係唔少得啦!



麵包都有好多種類可以選擇。




哩個煎蛋即叫即做,好好食呀!師傅重好大方咁比我影相呀!





睇個樣都已經好吸引啊!



我嘅豐富早餐呀!不過估唔到五星級酒店嘅咖啡超難飲呀!



哩到有兩部搾汁機



唔好執輸,即刻整返杯西柚橙先。




食飽飽行出酒店大堂見到有啲檔口放咗喺到。




都係賣吓啲土產,領隊話係附近啲土產店嚟哩到擺檔,我見價錢都好似同出面啲舖頭差唔多。又唔會話係酒店就貴啲。不過我已經買夠,所以無幫襯到啊!






                                                                                                      

here
 
                                                                                                        續  ...... Day 3.2


3 則留言:

  1. 我住沙灘酒店個時 都有個露台俾你坐 第一晚我同男朋友就係個個露台傾計 真係好relax 仲有d 星星睇下 係香港真係有時都咪必做到
    同理日本真係好細心 冰機都有
    [版主回覆07/30/2011 17:43:00]可能香港無咩機會有露台, 我好鐘意啲地方有露台, 就算去長洲住華威酒店, 我都鐘意留連喺個露台到咖! 近海嘅聽吓海浪聲真係好正啊! 係呀! 我住過好多日本酒店都有冰機, 唔知係咪日本人好鐘意飲勁凍嘅嘢呢?

    回覆刪除
  2. Shirley :          間酒店咁靚 , 真係貴得有道理 .   
    食物又一流 , 攪到我都想去埋一份 .  
    Bye  Bye !
    [版主回覆08/07/2011 19:20:00]去啦...去啦! 而且你識揸車, 沖繩自駕遊真係一流呀! 我見啲blog友搓住駕車沿住海岸線一路揸, 一路影相, 再去一啲只有揸車先去到嘅沙灘, 真係靚到暈呀!

    回覆刪除
  3. -嘩, 有得自己搾汁, 正呀~  住酒店真係唔同d住民宿~
    [版主回覆08/10/2011 07:39:00]我都好鐘意早餐哩個環節呀! 可能八成住客都係日本人, 所以個個都會好有禮貌, 唔會爭先恐後, 又唔會話一個人霸住部機搞晒全枱人, 所以兩朝都可以好舒服咁榨返兩轉呀! 咁如果住民宿又有住民宿嘅味道, 唔同嘅, 而且唔使咁貴啊!

    回覆刪除