2011年7月24日 星期日

匆匆忙忙沖繩四天團 - Day 3.3

返到酒店房都十一點幾,一入房見到間房完全無拾過,我哋就有啲埋怨點解一間五星級嘅酒店係唔拾房咖!雖然我哋唔係住得好亂,但係拾咗感覺會好啲嘛!


抖咗陣就開始開餐嘞!



哩隻溫泉蛋好好味呀!



哩啲係前一日領隊喺旅遊巴派比我哋試食嘅手信,以前我會買好多咖!今次完全無幫襯呀!因為價錢都唔平,同埋而家真係無以前咁瘋狂啊!而且有好多香港而家都買得到。


題外話,哩個領隊以前係喺日本帶中國團,返香港帶團都未夠一年,所以佢好似唔多習慣sell嘢!見佢個樣尷尷尬尬,鬼咁唔好意思咁都幾搞笑啊!所以佢嘅生意都係嘛嘛,我見返香港嗰日喺行李帶到,隔離東瀛遊個團訂哩啲手信一箱箱咁訂呀!連夕張蜜瓜都十個、八個呀!



大槪一點鐘,我哋坐喺長沙發浪晒腳咁嘆世界時,竟然有人搞門話 Room Service,原來係有得拾房嘅。一嚟唔想阻住佢拾嘢,同埋佢拾嘢我哋坐喺到好似怪怪咁,反正都抖夠,於是出發落去下面泳池游水啊!


我哋先去室外泳池先。



室外有六個泳池,五個係1.2米深,有一個就2.5米。





我喺網上見個哩個室外按模池,但當日搵嚟搵去都搵唔到,後尾黃昏行過先見到原來喺上面張相個亭旁邊。




行入個亭到重可以影晒酒店全景添呀!




哩條滑水梯好好玩呀!我玩咗好多次呀!不過最衰要行條長樓梯,行到我腳仔軟呀!




哩個池有兩幅好靚嘅相啊!



泳池旁重有個桑拿房。



唔知係咪因為正午時份,所以泳池連埋我同細妹都係得幾個人。雖然相見到好曬,但同時係好大風,所以如果濕咗身都會有啲涼咖!


喺室外玩咗一個鐘到,我哋就轉去室內嘞!好奇怪明明見到個室內泳池就喺隔離,但搵唔到門口入。


原來要走返出去頭先黃色部份嘅接待處通道入,佢會check吓你係咪哩到嘅住客先比你入啊!



室內泳池細啲,但哩到啲水深去到心口比較正常,而且喺到游水唔怕曬啊!



哩到都有個按模池。我哋兩個包場玩晒,不過唔知點解,我哋喺按模池玩就無人理我哋,但我哋一走落去個泳池游就會有工作人員走入嚟坐喺池尾啲椅到,我開頭都唔覺,後來我試過幾次都係咁,可能驚落水會有危險要睇住呀!



又玩咗個幾兩個鐘,先返上房抖吓先。


接待處有間房原來係洗衫房嚟咖!我都無試過用哩啲設施,次次都係用手洗咋!



 


                                                                                                           

here
 
                                                                                                          續  ...... Day 3.4


5 則留言:

  1. 一 定 好好味

    [版主回覆07/29/2011 20:12:00]係呀! 真係好好味啊! 而家諗返都流口水啊!

    回覆刪除
  2. 酒店好靚
    [版主回覆08/07/2011 14:51:00]係呀! 我都覺得哩間酒店真係唔錯啊! 就係因為哩間酒店, 所以團費咁貴啊!

    回覆刪除
  3. Shirley :             識得 Sell 野真係數好多喎 ,      有呢日自由活動真係唔錯 , 游水攤抖 , 唔駛咁周車勞動 .   
    泳池果D會唔會係 "救生員" ? 平時收收埋埋 , 一見有人落水就 Stand by .
    Bye Bye !
    [版主回覆08/07/2011 19:30:00]但其實我好怕太過sell嘢嘅領隊, 掛住sell嘢搵錢, 其他嘢都做得唔好, 始終我嚟玩唔係為咗喺旅遊巴買佢嘅產品嘛! 我報哩個團就係貪佢有一日自由活動呀! 而且一間咁好設備嘅酒店, 唔好好咁享用吓好似浪費咗啲啊! "救生員" ? ? 但當我哋唔落個泳池嗰陣, 佢喺走廊掃地or攞毛巾比泳客替換咋喎! 咁算唔算係救生員呢? 

    回覆刪除
  4. 團費貴都有道理呀, 間酒店咁正, 可以好relax咁玩~  正
    [版主回覆08/10/2011 07:43:00]係呀! 淨係喺酒店內活動, 已經夠玩幾日呀! 所以我一直同自己洗腦, 話比自己聽比咗咁貴嘅團費係值嘅! 講真, 我真係幾滿意今次哩間旅行社嘅安排, 我見有啲團雖然都係住哩間酒店, 但只住一晚, 夜晚check in, 第二朝一早就走, 有幾好嘅設施都無用啊!

    回覆刪除
  5. 冇跟錯團0番,係咪東記 呀?
    [版主回覆08/28/2011 13:31:00]No嗱! 我好似同你講過, 我曾經跟東記去京都有過一段唔開心嘅經歷, 所以我係唔會參加佢哋嘅日本團, 今次我係跟佢哋嘅姊妹公司呀! 你明咖啦! 哩個團ok咖! 我自己都幾滿意啊! 我之前都跟過哩間公司, 由東京坐火車經仙台、青森玩上北海道, 佢哋啲路線plan得幾好咖! 不過可能無東記咁強, 好多時會唔夠人已唔成團囉!

    回覆刪除