2013年5月18日 星期六

Day 5.2 @ 平湯溫泉

2013年4月26日 雨/雪天
08:40~09:40 | 
濃飛巴士 | 高山濃飛巴士中心 → 平湯溫泉
11:00~11:25 | 飛驒環保巴士 |平湯溫泉 大正池15:00~15:25 | 飛驒環保巴士 |上高地 平湯溫泉
(交通收費及詳細資料請往交通篇)
酒店:平湯館生粋源泉の宿

好準時15:25就返到平湯溫泉駅。由車駅望出去,啲雪越落越大,留意哩一刻停車場重可以見到黑色嘅路面,但第二朝就另一番境像啊!



原本計劃係行吓溫泉街先返酒店,但啲雪真係好大,無辦法唯有早啲返酒店Check in啦!

.
.
有溫泉蛋賣呀!

.

Check in後就上房,返到房第一時間將身上浸咗嘅嘢換晒落嚟,原來我同大笨蛋個背囊因為無嘢遮住所以都浸晒,大家嘅鞋都濕晒,好彩房內有暖爐,開咗佢放晒啲嘢埋去烘乾佢。

跟住就去浸吓溫泉先! 去溫泉要經過哩條巷,哩到可能唔係密封,啲寒氣喺窗罅
隙攝入嚟,行過覺得好鬼凍,跟住知道會再經過哩條路嘅時候都係著返件外套落嚟。


由於時間尚早,哩日應該係啲團入住多,佢哋無咁早Check in,所以溫泉內都唔多人。 哩到都係啲寒風唔係喺邊到攝入嚟,沖涼啲水較到40度都覺得好凍。

喺室內個池浸一浸先出去露天風呂。


由於露天風呂有人,所以就唔方便影相啊!

首先浸咗哩個木響之湯,由於落緊雪,個頭就凍,個身就暖,
本來哩個感覺應該好正,但唔知係咪自己有少少頭痛,咁樣重令我嘅頭痛加劇,所以留咗陣就返埋去有蓋嘅風呂。


哩個都係室外,但因為有蓋,所以上涷下暖嘅感覺無咁強烈。



浸完喺休息間玩咗陣按摩椅、按腳機後,返房休息咗陣就去食飯,食飯嘅地方喺地下嗰層,面對住個庭園,所以大家都出去影吓相。

B女著住件浴衣又話要出去影。


不過哩個影真係幾靚啊!

.


好啦!肚仔餓,開飯啦!
由於立山酒店嘅經驗,今我對哩餐晚飯懷住戰戰驚驚嘅心情,唔知哩晚又使唔使豉油撈飯呢!


一坐底就已經放咗啲好精緻嘅前菜,次次哩碟嘢都係好睇唔好食。


但今之樣樣都幾好味喎!


哩個係啲雜菜同魚,都OK喎!


蒸蛋上面放咗粒帶子,好好味。


原來裡面重放咗啲薯仔添呀!


跟住上嘅幾碟都好好味呀!

.
.
.

哩包係咩嚟呢?


哦!原來係燒三文魚,又整得幾好味喎!


我訂咗哩個係飛驒牛餐嘅住宿,所以緊係唔少得飛驒牛啦!
B女要ShaBu-ShaBu


我哋就鐵板燒,其實用Jalan訂房時我只係訂咗要食飛驒牛嘅住房plan,但無話啲牛要點食,所以酒店喺我訂房第二日已經send個e-mail比我問我啲牛要點食,我驚搞錯所以直情喺佢酒店個網capture張相比佢,果然係一模一樣呀!


雖然無前一日喺山武商店啲咁正,但哩個都好好味,如果唔係前一日食咗有比較,哩個都好正。入口即溶。
飛驒牛比起神戶牛,神戶牛啲牛味就濃啲,但啲甘香味我覺得飛驒牛就勁好多。


啲嘢實在太好味,全部比我掃晒落肚,哩碗白飯就食唔晒啊!


食埋個飯後甜品,連嚿西柚都甜咖!


食飽飯喺大堂上吓網,再浸吓溫泉,就返房諗住瞓,但喺房望落去個庭園見到已經舖上咗一層薄薄嘅雪,又忍唔住走落去影吓相先!

.
.
望返上去酒店大堂



哩面頂樓係我哋住嘅房,哎呀!影到我哋掛咗條褲喺到添!


走嚟走去,好攰呀!係時候去瞓啦!哩一刻重期待住第二朝瞓醒會好天,上新穂高可以望到好靚嘅山脈。
here

  ....續 Day 6.1 @ 平湯溫泉、新穂高

























2 則留言:

  1. 呢餐咁正,會唔會係在這一次旅程,類似既最好既一旅呀?
    [版主回覆05/19/2013 21:08:32]我去咗好多次嘅溫泉酒店, 啲餐都係嘛嘛哋, 可以令我全部食嘢嘅暫時都係哩間平湯館啊!

    回覆刪除

  2. [版主回覆05/20/2013 19:39:06]無辦法啦! 佢同日個地方一日有幾次變化, 不能不影呀!

    回覆刪除