2013年5月5日 星期日

Day2.3 @ 扇沢、黑部水庫

2013年4月23日 陰天
07:16~08:13 | [JR]大糸線 糸魚川方面(下り) 
松本 → 信濃大町
09:05~09:45 | 
巴士信濃大町 → 扇沢10:00~10:16  | 關電隧道無軌電車扇沢 → 黑部水庫10:16~11:30  | 步行黑部水庫 → 黑部湖11:30~11:35  | 登山纜車黑部湖 → 黑部平12:10~12:17  | 立山架山索道黑部平 → 大觀峰13:00~13:10  | 立山隧道無軌電車大觀峰 → 室堂 
(交通收費及詳細資料請往交通篇)
酒店:ホテル立山 (Hotel Tateyama)

沿途車程嘅風景幾靚


.

40分鐘後就到達扇沢,落咗車先去車駅將之前買嘅套票換成乘車劵

哩張票好重要,每搭一種交通工具都要出示佢比駅員檢查,直到立山為止,所以要好好保管,唔見咗就要重新買票啦!


到達時已經有幾輪旅遊巴停泊喺到,幾團台灣團浩浩蕩蕩咁殺到。所以我哋都不感怠慢,拿拿臨走上二樓車駅排隊上車。


上到二樓都唔係好多人,前面哩啲都係一啲日本人。目前為止大家都重好有秩序,因為啲團未到。



駅內工作人員重推銷吓立山高原車仔模型,同啲日本人講吓笑。



好快就上車啦!啱啱重想話都重有好多位吖!點知話口未完啲台灣團就到嘞!最後迫到好似沙甸魚咁呀!好彩我哋都有位坐。



16分鐘後就落車啦!睇吓幾多人!

落咗車我哋應該先上水壩展望台,但因為太多人,所以我哋跟住人潮走,竟然過咗展望台入口都唔知,一直向黑部湖行過去。


.


行到嚟哩到都覺得唔妥,好似次序有啲亂咗。但當時自己實在太心急,所以覺唔妥都繼續行。



真係出到嚟黑部湖


.


抬頭就見到展望台位置,一心諗住跟住條樓梯上就得。



但奇怪,點解條樓梯唔係綠色又無公仔嘅!



行咗兩層見到有餐廳



好似展望台餐廳,但唔係哩到喎!


最後返落地面問吓駅員,佢話係頭先落車後唔好落樓梯,係另一方向上樓梯先啱。救命呀!又要行返轉頭呀!

行返上頭先車駅、哩刻無晒人就好清楚睇到前往展望台嗰二百幾級樓梯嘅開始啦!





由於心急咁跑嚟跑去,喺黑部湖下面都跑咗幾十級樓梯,我哋已經好攰啦!所以喺上哩二百幾級樓梯前先放底晒我哋身上面嘅負擔先得。



300円豪比佢。一個廿二吋喼,三個背兩個手提袋揼晒入去,舒服晒!

哩條樓梯就無錯啦!



有隻松鼠同你講再行多少少可以品嚐一吓冰涼嘅泉水啊!(我自己諗咖咋!我都唔識日文。)




哩到啲泉水真係好冰凍,如果平時我實飲唔到,但而家行到成身慶晒,飲咗少少泉水好舒服呀!



飲啖泉水,坐底抖一抖再繼續,重有100級就到啦!努力...加油。


終於上到嚟啦!雖然無咗個藍天,但個景都好靚...好靚呀!


居高臨下咁影落去,有啲腳軟呀!頭先我就係行錯咗,去咗下面嘅餐廳呀!




不過一陣都係要行返落去,去到水壩另一邊,即係有人行緊條路嘅盡頭坐纜車。



個水壩真係好宏偉呀!


.


逗留咗幾個字,影夠相就慢慢行返落黑部湖

頭先我哋就係喺上面個展望台啦!


.



個湖都未溶晒雪啊!




向黑部平進發


望返轉頭,我哋係對面山行過嚟。

.

.


黑部平入口放咗個水壩嘅模型呀!


here


... 續 Day 2.4 @黑部平、大觀峰



3 則留言:


  1. [版主回覆05/06/2013 20:23:52]哩二百級樓梯簡直攞我條命呀!

    回覆刪除
  2. 嗰日因為我腳痛,大家都無上展望台。
    [版主回覆05/10/2013 21:34:34]係呀... 係呀!! 比人抬返落嚟呀!
    [1733回覆05/10/2013 21:31:07][我差啲要抬返落嚟呀! ]
    你好似寫少左兩個字噃?
    係[我差啲被人抬返落嚟呀! ]
    [版主回覆05/10/2013 21:11:08]個展望台真係好正, 又無咩人, 不過嗰二百幾級樓梯真係好蝦人, 我差啲要抬返落嚟呀!

    回覆刪除
  3. Sueと四葉妹妹2013年5月12日 下午5:24

    我見你行程安排頭頭是道, 仲以為你識日文添!
    個牌的大概意思真係好似你所估: 好快會見到有潤喉的水......
    你的行程相當精彩啊!
    [版主回覆05/12/2013 20:21:15]我完全唔識啲日文, 我只係識啲漢字, 平時上網搵資料咪用翻譯囉! 好多時都係估估吓咖咋!
    你就真係叻啦! 睇得明喎!
    我都參考咗你個blog, 高山、平湯、新穗高嗰段都係睇你咖! 我重見到你喺新穂高展望台嗰到有水鞋借, 咁我喺新穂高嗰日好似你去嗰日咁大雪, 所以咪想借對鞋出去行吓囉! 點知個職員話而家無得借啊! 唔知係無咗哩樣服務吖定係嗰日無得借囉! 總知就係無啦! 所以你都幫咗我好多啊!

    回覆刪除