2013年5月16日 星期四

Day 4.5 @ 山武商店

2013年4月25日 晴天
08:09~10:16 | 加越能巴士 
波駅前 → 白川鄉荻町神社前スパホテルアルピナ飛騨高山11:00~11:05 | 白川鄉明善寺前 白川鄉展望台11:45~11:50 | 白川鄉展望台 白川鄉明善寺前
14:00~14:50 | 濃飛巴士
白川鄉 → 高山濃飛巴士中心 (交通收費及詳細資料請往交通篇)
酒店:スパホテルアルピナ飛騨高山 (SPA Hotel Alpina Hida Takayama)


浸完溫泉後,就出發去山武商店食飛驒牛。
喺搵資料時,介紹喺高山市食飛驒牛嘅店舖有好多,最出名嘅係丸明、天狗。而且喺高山市,幾乎間間餐廳重標示住係食飛驒牛。所以都用咗啲時間去比較吓價錢同網上嘅評語。就係咁搵搵吓比我搵到哩間旅遊書唔多介紹、價錢唔算太貴嘅店舖,而且佢有自己嘅牛場,亦有批發及零售A5飛彈牛,睇過大家對佢嘅評價都好高,於是就決定食佢啦!


哩到下層係凍肉店,二樓先係食堂。

由於當晚去到已經天黑,所以喺Google Map搵張店舖嘅外貌。

要經過停車場先可以上去二樓。

舖面並無好靚嘅裝潢

坐嘅座位唔係太多,不過我就覺得好舒服啊!當晚我哋係佢第一枱客人。

老闆好熱情咁出嚟招呼我哋,佢不停介紹佢哋嘅牛係佢自己牛場飼養。

首先要自己喺雪櫃揀件啱心水嘅牛肉,雖然佢貼住話每人200g,但老闆話無規定,只要足夠就OK,佢講笑話三人200g OK,一人600g OK。我哋都唔識揀,只係諗住如果每人200g 的話就揀件大槪600g,



最後揀咗哩件638g嘅。1,480円100g,咁哩件牛牛就係9,942円。另外每人加480円,就可以享用佢雪櫃內嘅疏菜、飲品同埋甜品。


如果想燒其他嘢,可以另外買海鮮、腸仔等,重有啲生果添呀!

我哋就買咗包冬菇 300円。


老闆將我哋揀咗嘅牛肉攞咗入厨房,好快就切成一嚿嚿,撒上淮鹽。

開始啦!老闆話每面燒佢一分鐘就食得。

但好似唔係好熟,雖然佢哋牛肉都可以生食,不過我哋都係再燒吓會好啲。


哩嚿就差唔多啦!牛好軟,好有肉汁,食落去好甘香,好好味啊!おいしい



如果啲菜就咁燒會好易燶,所以我哋放啲牛肉喺面,等啲油流返落啲菜到咁又容易燒,又好好味嘞!

而家睇返啲相都流口水呀!

燒咗個幾鐘,期間重有一枱六、七人嘅台灣人同一對日本情侶,唔係太多人,老闆亦不時走嚟問你意見,同你傾吓計。

最後食返個咖啡凍就飽晒,哩餐真係好滿足呀!


最後埋單都只不過係11,185円,對港幣0.0792,即係HKD886-,每人都係HKD296-,我自己覺得好抵啊!真係可以用平、靚、正嚟形容呀!







here



2 則留言:

  1. 太美味了
    [版主回覆05/19/2013 21:06:42]真係好好味啊!而家都回味緊呀!

    回覆刪除
  2. 我地就再奧飛驒穗高莊間酒店既晚餐食左。
    勁好味。

    回覆刪除