2013年5月12日 星期日

Day 3.5 @ 砺波

2013年4月24日 雨天
08:40~09:30 | 立山高原巴士 
室堂 → 美女平
09:40~09:47 | 
登山纜車美女平 → 立山10:04~11:06  | 電車立山 → 富山11:54~12:13  | JR北陸本線米原方面上富山 → 高崗12:55~13:15  | JR城端線城端方面下高崗 → 砺波 (交通收費及詳細資料請往交通篇)
酒店:アパホテル<砺波駅前>
最後行吓手信店,但無收穫。

.

.


原來公園嘅出、入口有少少Locker放置咗喺到。


喺鬱金香公園逗留到五點幾,穿梭巴士尾班車都開出咗,所以要行返去酒店。哩日全日都雨綿綿,但又未至於大雨到行唔到,所以都哩項行程都算係完滿結束啊!



到走嘅時候,園內閘口嘅工作人員好好,見我哋係外來人就過嚟問我哋係咪要返出去搭JR走,我哋話係要行返去APA Hotel,佢哋就即刻攞住我本手冊裡面嘅地圖教我哋點行返出去,真係好好人好熱情啊!東京、大阪啲大城市已經無晒哩啲人情味啊!

條街好靜,行咗幾個字都係得我哋三個喺到行。

.


行咗大半個鐘就返到酒店,我哋先去酒店附近嘅便利店買聽日嘅早餐,然後喺酒店四周圍睇吓哩晚去食啲咩!
每條橫巷裡面都有好多餐廳,好多都食放題,但我哋嘅胃口係唔啱食放題中啊!



本來諗住幫襯拉麵店就算,但見到哩間秋吉個舖吸引,因為只係六點幾,裡面重未有客人,所以睇唔到係食咩,於是我哋抄底個名返酒店上網check吓先。

Check咗原來係食串燒,大笨蛋成日都話想去啲居酒屋食串燒,咁就不如嚟哩到試吓啦!

.


價錢都幾唔貴。


落咗單好快有得食啦!


.


B女要食返碗飯先安樂呀!



雞軟骨同香港啲唔同,好好味啊!







埋單4,435円。



由於砺波市夜晚都無咩行,而且又落雨,都幾凍,食飽八點幾就返酒店,食埋個甜品就早抖啊!第二朝又要早起坐車去白川鄉啊!

4 則留言:

  1. 你叫細妹做大笨蛋。叫你媽媽做B女。咁細妹同阿媽有無叫你個花名架。
    [版主回覆05/13/2013 21:07:47]唔緊要啦!
    [1733回覆05/13/2013 20:16:20]原來係咁,笑錯左你添。
    [版主回覆05/13/2013 12:38:06]我細妹而家無寫BLOG, 之前佢自己用大笨蛋嚟做佢自己個BLOG名咖! 所以唔關我事咖!

    回覆刪除
  2. 今之去日本覺得日本D野無我上次2010件年既時候咁貴。原因有可能係香港既野貴左好多。
    [版主回覆05/13/2013 12:40:40]我明顯覺得抵好多, 舊年去京阪對0.0998, 今次0.0792, 真係鬆手好多呀! 香港除咗啲哩貴咗好多, 啲港幣越嚟越唔值錢啊!

    回覆刪除

  3. [版主回覆05/15/2013 22:33:41]因為我哋係好似富良野間烏龜火車咁,用龜速行,見到新奇又有趣嘅嘢又去睇吓,所以先行咗大半個鐘,人哋正常速度應該三四個字就到咖啦!
    我記得有一次喺輕井澤睇到個地圖去石之教堂以為好近就行過去,最得行咗兩個半鐘呀!

    回覆刪除
  4. -食串燒-睇嚟好正下喎!...味道同香港有無分別呢..........
    [版主回覆05/16/2013 21:07:49]我喺香港好少食串燒, 所以無比較, 不過哩到啲就真係好正, 好好味!

    回覆刪除