2013年5月8日 星期三

Day 2.6 @ 室堂 - 雪の迴廊

2013年4月23日 陰天
07:16~08:13 | [JR]大糸線 糸魚川方面(下り) 
松本 → 信濃大町
09:05~09:45 | 
巴士信濃大町 → 扇沢10:00~10:16  | 關電隧道無軌電車扇沢 → 黑部水庫10:16~11:30  | 步行黑部水庫 → 黑部湖11:30~11:35  | 登山纜車黑部湖 → 黑部平12:10~12:17  | 立山架山索道黑部平 → 大觀峰13:00~13:10  | 立山隧道無軌電車大觀峰 → 室堂 
(交通收費及詳細資料請往交通篇)
酒店:ホテル立山 (Hotel Tateyama)

行完雪之大谷都已經兩點幾,原來都肚餓啦!於是我哋就返去酒店嘅大堂坐底慢慢享用之前準備咗嘅飯團。


食飽之後就再到展望台出面嘅雪之迴廊方向走走,我哋走得唔係太遠,只係喺酒店外不遠處四周行行。


酒店另一面,我哋住四樓啱啱對住條雪路,如果住二、三樓就只丁可以見到一堆雪啊!

個天對我都算係咁,竟然有幾分鐘藍天比我影相。 藍天加白雪真係好靚啊!

哩邊唔太多人,可能都已經三點幾,啲團又要趕返落山,所以個感覺好舒服好寧靜呀! 話時話如果立山即日來回都真係幾辛苦!我而家只係去咗一半路程都覺得幾攰,行完室堂重要拖住疲倦嘅身軀返落山,突然覺得我付出HKD1,600/人喺到住一晚真係物有所值呀!





哩一刻淨係識用靚嚟形容外,都唔知可以講啲咩啊!


等我喺到劃返個大字先!



影夠相後都快將四點,由於當初諗住五點鐘跟酒店工作人員去行雪之大谷,所以就拿拿臨返酒店辦好入住手續後,返房換衫去浸一浸溫泉先出發。但當浸完個溫泉後,所有倦意都走晒出嚟,B女決定留喺房休息,我同大笨蛋就根據酒店職員指示早十五分鐘喺大堂等出發。

唔使幾分鐘,我哋好失禮地坐喺大堂不知覺瞓著咗!真係實在太攰,我攰到有啲頭暈暈呀!最後我哋決定唔跟佢哋行多轉,返房抖一抖。

其他住客就跟住酒店職員出去雪之大谷啊!都幾多人呀!


休息咗陣狀態好似好返啲,於是就喺酒店範圍四周圍睇吓!車駅同手信店嘅人潮都散得七七八八。睇吓有咩買先。


立山泉水製造嘅啤酒,唔知係咪真係好飲啲呢!買返罐送比人先!




立山星星朱古力都買咗一盒。



哩個就係我哋之前用嘅防滑鞋底啦!喺香港已經搵唔到嚟買,哩到有得買啊!


去到五樓嘅休息室,無人。因為九成住客都出晒去行雪之大谷。

.


從窗外睇到一個蒙蒙嘅夕陽!比我多留幾日喺到就真好啊!

.


六點半,開飯啦!

我一直覺得雖然哩間酒店好貴,但我選擇喺到住一晚係正確嘅!不斷咁比個like自己,點知竟然錯在喺揀晚餐到。
之前睇個人哋嘅comment話哩嘅西餐幾好,但一場嚟到日本,係咪好應該食返個和食呢!評語都無話和食太差,於是就喺訂房時訂夕食係和食,就係咁就出咗事嘞!

我哋玩咗一日,晏就只係食咗兩粒飯團,已經好肚餓,理應比咩我哋都會覺得好食,但係......

賣相好似唔錯,但味道就.......













最開心見到哩碗飯


我係用點魚生嘅豉油撈飯,填飽個肚。


大笨蛋就茶撈飯


最後哩個甜品杏仁豆腐最好味,不過得兩啖就食完啊!


食飽飽就返房抖陣,本來諗住睇星星,但哩晚雲好厚,天上咩都睇唔到,於是去浸個溫泉就瞓覺啦!

臨瞓上五樓睇吓夜景就去瞓覺啦!望出去可以見一富山嘅夜景,但部DC仔唔係好影到,蒙蒙哋都post出嚟比大家睇吓啦!





7 則留言:


  1. [版主回覆05/09/2013 21:04:40]係呀! 四點過後, 所有團都散晒, 舒服好多啊! 我一直以為你有去睇過雪壁添! 我都諗住出年秋天去多次立山同上高地, 我覺得哩到好值得一去再去, 而且我喺上高地同新穂高遇上大風雪, 咩到睇唔到, 所以一定要去多次。
    至於個夕食, 我唔係話佢用料唔得, 而係烹調方法唔係幾好, 啲味都唔夾, 樣樣都搞到味道怪怪哋。
    我嗰朝四點幾就起身, 又用咗成朝時間轉車轉車, 跑嚟跑去, 再喺雪地上玩咗幾個鐘, 真係已經無太多多餘體力, 如果唔去抖返陣, 我真係會暈咖!

    回覆刪除
  2. 我就在雪の迴廊寫低1733,仲諗住你唔知睇唔睇到添。
    [版主回覆05/10/2013 21:28:50]我上山嘅時候我都走咗啦! 所以無緣見到啊!

    回覆刪除
  3. 我地住酒店嗰晚勁大風,又落雨。所以再無出去行。
    [版主回覆05/11/2013 09:45:01]山上天氣變化好大, 明明之前好好地, 轉頭會大風大雪, 我哋夜晚都無出去, 因為外面真係好凍呀!

    回覆刪除
  4. 原來五樓有休息室我都唔知添。
    [版主回覆05/11/2013 09:46:38]係呀! 嗰晚重可以望到富山嘅夜景添! 不過部DC影唔到囉! 蒙蒙哋都放上嚟比你睇吓先!

    回覆刪除
  5. 個晚餐真係嘛嘛地。
    [1733回覆05/12/2013 15:41:10]如果有機會再去,我都會食西餐。
    [版主回覆05/11/2013 09:47:11]真係完全唔掂呀! 有機會再去一定要食西餐呀!

    回覆刪除
  6. Looking forward for your updates
    [版主回覆05/11/2013 09:47:45]多謝捧場呀!

    回覆刪除
  7. 我book咗室堂山莊,一泊兩食;不過荒山野嶺,都冇咩期望.....哈哈!
    [版主回覆08/31/2013 09:32:41]室堂山莊平過立山酒店好多,如果我唔係要四月去,擔心天氣情況,我白訂室堂山莊,以佢喺室堂嘅價錢可以叫做物有所價咖啦!而你去嘅時候應該滿山紅葉,會好靚,如果好天一定要睇星星呀!我因為天氣唔好無緣睇啊!

    回覆刪除