2013年5月19日 星期日

Day 6.1@ 平湯溫泉、新穂高

2013年4月27日 下雪
09:40~10:13 | 
飛驒環保巴士 平湯溫泉 → 新穂高ロープウェイ
10:30~10:35 | 空中纜車 |新穂高ロープウェイ 鍋平高原駅
10:35~10:37 | 徒步 |鍋平高原駅→ しらかば平
10:45~10:52 | 雙層空中纜車 |しらかば平 西穂高口ープウェイ11:45~11:52 | 雙層空中纜車 |西穂高口ープウェイしらかば平 しらかば平12:28~12:30 | 徒步 |しらかば平 鍋平高原駅12:30~12:35 | 空中纜車 |鍋平高原駅新穂高ロープウェイ 新穂高ロープウェイ12:55~14:28 | 濃飛巴士 新穂高ロープウェイ→ 高山濃飛巴士中心16:00~18:40 | 濃飛巴士 高山濃飛巴士中心→ 名古屋名鉄巴士中心名鉄グランドホテル


(交通收費及詳細資料請往交通篇)酒店:名鉄グランドホテル


四點幾就扒起身,睇吓窗外出面咩境況,結果係白茫茫,仍然係咩都睇唔到,無晒心機,瞓返落床都唔開心瞓唔返,於是乎就落去溫泉睇吓有無人先,點知原來咁早都已經有人啦!
經過走廊見到出面庭院舖滿白雪,諗住行出去睇吓!點知一打開道敞門啲風雪就吹埋嚟。


定一定神拿拿聲閂返隻門,隔住玻璃影出去,噚日重見到綠色草地,今朝就只可以見到白白嘅雪地。


經過其他地方,所有嘢都已經舖上一層厚厚嘅雪



好靚...真係好靚。


大家重認得個庭園嘛!




前一日同哩一朝早嘅對比。


返上房大家都醒咗,事不宜遲,落去浸返個溫泉先。


我哋哩朝早就係喺哩個風呂到浸,基本上哩張酒店提供嘅相係同我哋嗰朝早見嘅係一模一樣,包括埋個雪景。由於休息夠,無晒頭痛,所以喺到浸咗好耐都無唔舒服,天上不停咁落住大雪,啲雪落喺個頭到都唔溶,但個身就暖粒粒,好舒服、好靚、好好玩,本來因為落咁大雪好唔開心,但哩一刻又因為落咁大雪令我有哩個體驗好興奮,以前睇旅遊節目就見到啲主持人浸住溫泉睇飄雪,而家我都試過啦!我哋喺到玩咗成個鐘先好唔捨得咁返去沖涼,準備食早餐。


早餐都好豐富啊!




哩個味噌係用嚟撈飯咖!


豆腐

芋絲

我至鐘意嘅溫泉蛋


 又有三文魚

扒埋碗飯飽晒!



本想八點幾就Check out去新穂高,但上網喺Live Camera睇到西穗高展望台白蒙蒙咩都睇唔到,既然係咁我哋就唔使咁急上去,因為咁嘅天氣戶外活動都做唔成,唔使預咁多時間喺山上,所以我哋慢條斯理咁收拾行裝,等啲旅行團走晒,我哋九點先至走。



有啲雪喺路上結咗冰,行返出車駅時都有啲驚,記得多年前同B女去瑞士,佢就喺鐵力士山腳踏到哩啲結咗冰嘅路成個人跣底咗,所以大家都要好小心慢慢行。

出到車駅,當然全場舖滿白雪。


又考記性,記唔記得前一日停車場境像。

完全唔同晒!


車駅旁有個足湯,真係好想試吓,不過夠鐘上車,無得玩。


沿途見到太陽同埋啲地方已經無雪啦!


望上山頂都好清喎,哩一刻仍心存希望上到山會好天。

但嚟到都係唔好天,大笨蛋你做咩阻住我影相呀!...原來等我一齊抬喼上樓梯呀!

搵個Locker放置好個喼先,如果行李太得制放唔到入Locker,可以交比櫃台代為看管。









1 則留言:

  1. 咁我地真係好好彩,完全無比我地遇上咁既情況噃。
    [版主回覆05/24/2013 07:33:25]可以話唔好彩, 但又可以講好彩, 唔係落到咁大雪, 我就無機會浸住溫泉睇落雪, 同埋落雪都幾好玩啊! 係凍啲囉!

    回覆刪除