08:40~09:30 | 立山高原巴士 | 室堂 → 美女平
09:40~09:47 | 登山纜車| 美女平 → 立山10:04~11:06 | 電車| 立山 → 富山11:54~12:13 | JR北陸本線米原方面上り| 富山 → 高崗12:55~13:15 | JR城端線城端方面下り| 高崗 → 砺波 (交通收費及詳細資料請往交通篇)
酒店：アパホテル＜砺波駅前＞
去到美女平，實在太大風大雨，我都無走出車駅，只是在駅內手信店望望就繼續搭下一班纜車。
.
.
美女平駅內有locker啊！
車駅內poster - 雪之大谷我睇到啦！
立山紅葉，我想出年嚟睇啊！到時可以行吓山添呀！
差唔多要上車啦！
斜斜嘅路軌，好似山頂嘅纜車啊！
車嚟啦！
.
車廂內只有幾個人，同樣地又只係得我哋兩個喺車廂裡面撲嚟撲去。
七分鐘後就到達立山駅啦！
當差唔多埋立山駅時見到車駅下面企滿準備上車嘅人潮，真慶幸自己已經係局外人啊！
車駅內都企咗好多團喺到啊！
立山車駅嘅牛奶好出名，但因為啱啱食完早餐無耐，所以飲唔落無買到啊！
立山套票嚟到哩到已經用完嘞！即係話我哋黑部立山嘅行程亦告一段落。我哋再落一層去搭電車到富山。
套票用完，要比1,170円買票去富山。
搭10:04班車
有車啦！
一個鐘頭嘅車程，我哋包晒車廂咁制，成班車得幾個人上車。
.
隔離車廂都無人
由立山到富山嘅地區都幾鄉村。
.
一個鐘後就到咗富山。
.
由富山電車駅去JR富山駅需要走出路面急行幾分鐘先到。
.
11:06到達富山電車駅，諗住可以搭上11:16或11:23由JR富山開出列車去高岡，行到過去JR富山駅已經趕唔到11:16嗰班，咁就11:23嗰班啦！ 但點知喺買票時遇到困難，因為我要買係去金沢嘅特急班次經高岡，我只係搵到去金沢嘅價錢，無辦法拑到去高岡嘅自由席，售票處又排長龍，問個駅員，佢表示佢只係喺閘口查票，係唔會出嚟幫我買票，真係激死我呀！
我比佢睇我要去高岡再轉車去砺波，點知佢話我時間表裡面嘅班次唔啱，比咗佢嗰張我睇，我心急影底佢先，然後佢都係叫我去售票處買票，無辦法啦！ 11:23嗰班都開走埋，再搭已經係11:54開出嘅慢車嘞！咁唯有死死地氣去售票處排隊買票啦！
後來我研究駅員比我睇嘅時間表，我都無錯，我要搭11:54開出嘅列車，係佢自己嘅時間表無之麻，我個時間表係有咖！
如果搭得切11:16或11:23嗰班車，我就可以喺高岡搭得到11:55開出去砺波嘅列車，而家要搭12:55嗰班差成個鐘呀！
因為坐慢車，所以570円就得嘞！
11:54開出高岡列車要去四號月台。
家陣唯有等....！
搞咗大半個鐘但坐咗廿幾分鐘就落車轉搭去城端方向去砺波嘅列車，1,2號月台。
又要發呆成大半個鐘先上車。
城端線嘅班次好疏落，一個鐘先有一班車，所以如果照原本計劃去完鬱金香公園再落金沢就真係好趕，因為班次咁疏落，搭車都用咗唔少時間。
終於有車到啦！成間車都用鬱金香做主題。
每個旅程都要有: 天(天氣,氣候),地(地理,風景)人(旅伴,精神,體力)的配合, 才有美麗的回憶!
回覆刪除無論如何, 旅遊總令生命添上色彩.
[版主回覆05/12/2013 11:10:09]你講得啱, 事事順利的話又好似無咁多趣味啊!
去年這個時候正準備出發長野縣-立山黑部之旅, 看了你的遊記, 真是很想再度遊覽呢 !!
回覆刪除[版主回覆05/12/2013 11:10:40]唔好講你, 我自己一路寫個遊記, 就已經想去多次啦!
很心急你的 砺波鬱金香公園 所見所聞
回覆刪除[版主回覆05/12/2013 11:11:40]好快... 好快, part 1 幾分鐘後post得嘞!
人生就係咁架喇！話之你安排得天衣無逢，但個天就總跟你過意不去架。
回覆刪除所以我地先要學會有耐性和埋忍功囉。
[版主回覆05/12/2013 20:08:08]無錯, 喺急唔嚟嘅情況下唯有relax, 後來喺售票處買好票, 返出部售票機再研究, 原來自己之前心急, 慢慢睇清楚就見到要拑嘅價錢啦! 所以耐性真係好重要呀! 哩個行程第二次因為心急而出錯呀!
我嗰日在立山駅上纜車都勁多人。差D連企都無得企架。
回覆刪除[版主回覆05/13/2013 12:30:57]唔知係咪由立山上山只需要搭兩樣車就上到室堂, 所以我覺得啲團通常揀立山上山, 我都無諗過咁早已經有咁多人喺車駅等啊!
由富山駅搭電鐵去立山駅嗰朝都好多學生。不過佢地坐左唔係好耐就落左車。
回覆刪除跟住架車就好少人上落同埋得十幾人在車內。
[版主回覆05/13/2013 12:32:48]我由松本去信濃大町都係有好多學生啊! 佢哋全部都信濃大打落車, 反而立山就靜好多, 可能我哋反方向同埋嗰個時間佢哋都上緊堂呀!